ग्लोवल मोटर्सका नामले खुल्यो बालकुमारीमा टीभीएसको नयाँ शोरुम

ललितपुर– ललितपुरको बालकुमारीमा टीभीएसको नयाँ शोरुम विस्तार भएको छ । ग्लोबल मोटर्सले बालकुमारीमा आफ्नो नयाँ टीभीएस शोरूम उद्घाटन गरेको हो । बिहिबार एक कर्यक्रमको आयोजना गरी जगदम्बा मोटर्सका कार्यकारी निर्देशक अखिल गुप्ता र ग्लोबल मोटर्सका प्रबन्ध निर्देशक सौरभ हमालले शोरुम उद्घाटन गरेका हुन् ।

टीभीएसको नेपाली बजारमा उपलब्ध सबै मोडल उपलब्ध हुने सो नयाँ शोरूमले स्थानीय समुदायको मोटरसाइकल र स्कूटर आवश्यकताहरू पूरा गर्ने उद्देश्य राखेको छ । यसैगरी, शोरूमले स्पेयर पार्ट्स र सवारी साधन मर्मत सम्भारसहित व्यापक सेवाहरू समेत प्रदान गर्ने जनाइएको छ ।

टीभीएस मोटरसाइकल र स्कटुरमा रुची राख्ने उपभोक्तका लागि उच्च स्तरका उत्पादन र सेवाहरू उपलब्ध गराउन आँफू प्रतबिद्ध रहेको ग्लोबल मोटर्सका प्रबन्ध निर्देशक सौरभ हमालले बताए ।

जगदम्बा मोटर्सका कार्यकारी निर्देशक अखिल गुप्ताका अनुसार टीभीएसले सधैं उद्योगमा नयाँ मानक स्थापित गर्दै आएको छ । ‘यो नयाँ डिलरशिपले हाम्रो उपस्थिति बलियो बनाउनुका साथै ग्राहकसम्म विश्वस्तरीय दुईपांग्रे सवारी सजिलै पु¥याउने प्रतिबद्धतालाई अझ मजबुत बनाउनेछ’ उनने भने ।

देशभर १५० भन्दा बढी डिलरहरुको बलियो सञ्जालका कारण टिभिएसले बजारमा आफ्नो पकड मजवुत बनाउँदै लगेको बताइएको छ । गुणस्तरीय उत्पादन, नवीन टेक्नोलोजीको प्रयोग, बिक्री पश्चातको उत्कृष्ट सेवा र देशभर स्पेयर पार्ट्सको उपलब्धता कारण टिभिएस आज नेपालको सर्वाधिक रुचाइएको टु–ह्विलर ब्राण्डका रुपमा स्थापित हुन पुगेको कम्पनी दाबी छ ।