देशका ३० मुख्य शहरमा टीभीएस एनटर्क स्कुटरको माइलेज क्याम्प

काठमाडौं– टीभीएस स्कुटर तथा मोटरसाइकलको नेपालका लागी आधिकारिक वितरक जगदम्बा मोटर्सले देशका ३० मुख्य शहरमा टीभीएस एनटर्क स्कुटर माइलेज क्याम्प सञ्चालन गरिरहेको छ ।

क्याम्पमा माइलेज टेस्ट, स्कुटर चेक क्याम्प र माइलेज -याली जस्ता विभिन्न कार्यक्रमहरु भएका छन् । माइलेज क्याम्पमा सहभागी सबै एनटर्क राइडरलाई फ्री सर्भिसिङ र स्पेयर पार्ट्समा १० प्रतिशत छुटको साथै लेबर चार्जमा शतप्रतिशत छुटको व्यवस्था गरिएको छ । साथै सहभागीहरुलाई विभिन्न सम्मानपत्र, गिफ्ट ह्याम्पर्स र अन्य पुरस्कारहरु प्रदान गरिने कम्पनीले जनाएको छ ।

माइलेज क्याम्प गर्नुको मुख्य उद्धेश्य ग्राहकहरुसंग भेटघाट र अन्तर्कृया गर्नु रहेको जगदम्बा मोटर्सका सीइओ दिपक अग्रवाललले वताए । उनका अनुसार कयाम्पमा नेपालभरका विभिन्न शहरबाट उत्साहजनक सहभागिता रहेको छ । ‘हाम्रा उत्पादनहरुले ग्राहकलाई दिएको सन्तुष्टि र खुशी देखेर हामी अत्यन्तै खुशी छौँ’ उनले भने ।

क्याम्पमा हालसम्म काठमाडौँ, नारायणघाट, हेटौंडा, पोखरा, नेपालगञ्ज, बिर्तामोड लगायत अन्य शहरबाट १००० भन्दा बढी एनटर्क राइडर सहभागी भइसकेको कम्पनीले वताएको छ ।

सहभागीहरुले स्कुटरको चेक अप गराए पछि आफ्नो स्कुटरको माइलेज पनि बढेको र यसबाट आफुहरु खुशीभएको प्रतिक्रिया दिएका छन् । माइलेज क्याम्पमा सहभागि हुनको लागि आफ्नो नजिकैको टिभिएस शोरुम अथवा सर्भिस सेन्टरमा गएर आफ्नो स्कुटरको माइलेज चेक गराउन सक्नेछन् ।