टीभीएसको आधिकारिक सर्भिस सेन्टर अब टेकुमा

काठमाडौं – टीभीएसको नेपालका लागि आधिकारिक वितरक जगदम्बा मोटर्सको आधिकारिक सर्भिस सेन्टरको रुपमा टेकुस्थित नेपाल उद्योग वाणिज्य महासंघसँगै ‘पन्चकन्या अटोमोबाइल’ सञ्चालनमा आएको छ । गत घटस्थापना देखि सञ्चालनमा आएको उक्त सर्भिस सेन्टरमा अत्याधुनिक उपकरण सहितका विभिन्न सुविधा पाउन सकिन्छ ।

नेपाली बजारमा टीभीएस मोटरसाइकल तथा स्कुटरको बढ्दो बिक्रीका कारण सर्भिस सेन्टर विस्तार भइरहेको छ । दैनिक रुपमा एक सय भन्दा बढी मोटरसाइकल र स्कुटर सर्भिसिङ गर्न सकिने र कम्पनीको मापदण्ड अनुसार दक्ष जनशक्ति कार्यरत भएकाले ग्राहकले सन्तुष्टि लिन सक्ने सर्भिस सेन्टरका सञ्चालक बालकृष्ण पुरीले बताए । उनले भने, ‘अत्याधुनिक उपकरणको प्रयोग गरी मोटरसाइकल तथा स्कुटरमा गर्नुपर्ने आवश्यक सर्भिसिङ र अन्य सबै पक्षको पहिचान गरिन्छ । यहाँ ल्याएका कुनै पनि मोटरसाइकल तथा स्कुटर सर्भिसिङ गरे पश्चात नयाँ मोटरसाइकल वा स्कुटर लिएको अनुभव राइडरहरुले गर्न सक्नु हुनेछ ।’

टीभीएसले प्रदान गरेको तालिममार्फत दक्षता प्राप्त गरेका मेकानिक्स र अन्य जनशक्ति यहाँ कार्यरत छन् । त्यसैगरी मर्मतका लागि आवश्यक पार्ट्सलगायतका धेरै सुविधा एकै स्थानमा उपलब्ध छ ।

टेकुको मुख्य सडकमा हुने भीडभाड भन्दा अलि भित्री भागमा सर्भिस सेन्टर भएमा मोटरसाइकल वा स्कुटर राइडरलाई सहज हुने भएकाले पनि सो स्थान सर्भिस सेन्टरका लागि छनोट गरिएको उनले बताए । मुख्य सडकदेखि करिव १५० मिटर भित्री भागमा भएकाले यो स्थान धेरैका लागि सहज हुन सक्ने छ ।

टीभीएसको सर्भिसिङ मापदण्ड अनुसार यहाँ आवश्यक उपकरणको प्रयोग गरिन्छ भने वासिङका लागि समेत विशेष व्यवस्था छ । त्यसैगरी टीभीएसका जेन्युइन स्पेयर पार्ट्स प्रयोग गरिने र विश्वसनिय सेवा प्रदान गरिने भएकाले ढुक्क भएर आफ्ना नयाँ वा पुराना मोटरसाइकल तथा स्कुटर सर्भिसिङका लागि पन्चकन्यालाई रोज्न सकिने पुरीको भनाइ छ ।