भृकुटीमण्डपमा टीभीएसको एक्सचेन्ज एन्ड फाइनान्स कार्निभल चल्दै, बाइक र स्कुटर साट्दा थुप्रै अफर

काठमाडौं – राजधानीको भृकुटीमण्डपमा बुधबार देखि द ग्रेट ग्रान्ड टीभीएस एक्सचेन्ज एन्ड फाइनान्स कार्निभल चलिरहेको छ । बुधबार देखि प्रारम्भ भएको सो मेला आगामी आइतबार सम्म चल्ने छ ।

सो मेलामा कुनै पनि ब्रान्डको पुरानो बाइक वा स्कुटरसँग टीभीएसको नयाँ बाइक वा स्कुटर साट्न सकिने छ । नेपालका लागि टीभीएसको आधिकारिक वितरक जगदम्बा मोटर्सले यसका लागि विभिन्न आकर्षक अफर समेत उपलब्ध गराइरहेको छ ।

सो अवसरमा त्यहाँ रहेका विभिन्न रिकन्डिसन हाउसहरुबाट पुरानो बाइक वा स्कुटरको भ्यालुएसन गरिन्छ । यसका लागि आवश्यक फाइनान्स सुविधा समेत तुरुन्तै उपलब्ध हुने र नागरिकताकै भरमा बाइक वा स्कुटर लिने सकिने बताइएको छ । यो अवस्थामा ७ हजार नगद छुट, ८ हजार सम्मको भ्यालु एडिसन उपलब्ध हुनेछ भने फ्रि एसेसरिज समेत उपलब्ध हुनेछ ।

कार्निभलको अवसरमा आफूलाई मन पर्ने बाइक वा स्कुटर टेस्ट राइड गर्न सकिने छ भने स्टन्ट शो, जिमखाना र विभिन्न गेमहरु खेल्न सकिन्छ । फुड स्टलको समेत व्यवस्था गरिएको छ ।

नेपालमा टीभीएसमा अपाचे सिरिज, रोनिन लगायतका बाइक उपलब्ध छन् भने एनटर्क र जुपिटर लगायतका स्कुटर तथा आईक्युब इलेक्ट्रिक स्कुटर बिक्रीका लागि उपलब्ध छन् ।