आपचे आरटिआर १६० को रेसिङ एडिसन सार्बजनिक, यस्तो छ मूल्य र विशेषता

काठमाडौं– टिभिएसले आफ्नो चर्चित मोटरसाइकल अपाचे आरटिआर १६० टुभीको रेसिङ एडिसन सार्बजनिक गरेको छ । रेस प्रेरित ग्राफिक्स र कलर थिममा तयार परिएको यो नयाँ एडिसनको मूल्य १ लाख २८ हजार ७२० भारु पर्ने जनाइएको छ । नयाँ एडिसनमा कार्बन फाइवर ग्राफिक्सका साथ फ्यूल टंयाकिमा रेसिङ एडिसन लोगो राखिएको छ ।

आरटिआर १६० रेसिङ एडिसनमा टिभिएसले एलइडी हेडल्याम्प तथा टेल ल्याम्प, स्पोर्ट, अर्बान र रेन सहितको तीनवटा राइडिङ मोड, टिभिएस स्मार्ट एक्स कनेक्ट फिचर सहितको डिजिटल एलसिडी इन्स्ट्रयुमेन्ट क्लस्टर र ‘ग्लाईड थ्रु टेक्नोलोजी(जिटीटी)’ लगायत विशेषता दिइएको छ ।

नयाँ एडिसनमा इन्जिन भने पुरानै जडान गरिएको छ । टिभिएसले यसमा १६.४ पिएस पावर क्षमताको १६० सिसी इन्जिन जडान गरेको हो । आरटिआर १६० को यो नयाँ एडिसन भोलिका दिनमा नेपाली बजारमा समेत उपलब्ध हुन सक्ने अनुमान गर्न सकिन्छ ।