फ्ल्याटबेड ट्रकमा राखेर ग्राहकको घरमा गाडी डेलिभरी गर्दै टोयोटा

ग्राहकले खरिद गरेको ब्राण्ड न्यू कारलाई टोयोटाले अब ग्राहकको ढोकासम्मै पु-याउने भएको छ । कार निर्माता कम्पनीले भारतमा डिलरको स्टक यार्डबाट फ्ल्याटबेडमा राखी सिधै ग्राहकको घरमा पु-याउने नयाँ सेवा सुरु गर्न लागेको होे ।

निशुल्क प्रदान गरिने डोरस्टेप डलिभरीमा लाग्ने ट्रान्जिट बिमा समेत डिलरहरुले नै वेहोर्ने कम्पनीको भनाई छ । भारतमा यो सेवा २६ राज्यका १३० अधिकृत डिलरमार्फत उपलब्ध हुनेछ ।

टोयोटाका अनुसार डोरस्टेप डेलिभरी सेवाले जोखिम कम गर्न र यातायातको समयमा विश्वसनीयता सुधार गर्न मद्दत गर्नेछ । यसले स्टक यार्डबाट डिलरशिपमा नयाँ कार लिएर जाने चालकको आवश्यकतालाई समेत पूर्ती गर्नेछ । सिंगल क्यारियर फ्ल्याटबेड ट्रकहरूमा सवारी साधन डेलिभर गर्न डिलरले लजिस्ट कम्प्नीको साहयता लिने जनाइएको छ ।