७ वर्षमा टाटाले बिक्री गर्यो ४ लाख युनिट टियागो, यस्तो छ नेपाली बजारमा समेत लोकप्रिय यो कार

टाटा मोटर्सले ४ लाख युनिट टियागो कार बिक्री गर्न सफल भएको छ । ७ वर्षअघि अर्थात सन् २०१६ को सुरुवातमा बिक्री शुरु गरेको यो ह्याचव्याक कारले शुरुवातको ४ वर्षे अवधिमै कुल २ लाख युनिट बिक्रीको रेकर्ड कायम गरेको थियो । पछिल्लो ३ वर्षमा अर्को २ लाख युनिट बिक्री गर्दै टियागोले ४ लाख बिक्रीको माइलस्टोन पुरा गरेको हो । भारतीय बजारमा यसको ११ वटा भेरियन्ट बिक्री हुँदै आइरहेको छ ।

नेपाली बजारमा समेत लोकप्रिय मानिएको यो कार सेग्मेन्टमै सुरक्षित मानिन्छ । ग्लोवल एनक्यापले गरेको क्र्यास टेष्टमा ४ स्टार रेटिङ हात पारेपछि यसको चर्चा ह्वात्तै चुलिएको थियो । यो कारले हालसम्म ३० भन्दा बढी अवार्ड जित्न सफल भैसकेको छ ।

टाटा मोटर्सको नयाँ ब्रान्ड इमेजमा उल्लेख्य योगदान दिन सफल मानिएको टियागोमा कम्पनीले पहिलो पटक इम्प्याक्ट डिजाइन फिलोसफी प्रयोग गरेको थियो । यो कार खरिद गर्नेमध्ये ६० प्रतिशतभन्दा बढी ग्राहक ‘फस्र्ट–टाइम–कस्टुमर’ रहेको टाटा मोटर्सले जनाएको छ । साथै ह्याचब्याक सेग्मेन्टमा १९ प्रतिशत हाराहारी मार्केट शेयर होल्ड गरेको दाबी गरिएको छ ।

१.२ लिटर थ्रि सिलिन्डर रिभोर्टन पेट्रोल इन्जिन जडान गरिएको यो कार इन्धन किफयाती विशेषताका कारण समेत लोकप्रिय वनिरहेको छ । यो कारको अधिकतम पावर ८४.४८ विएचपी र टर्क ११३ एनएम रहेको छ । यसमा डुअल एयरव्याग, एबिएस, कर्नर स्ट्याविलिटी कन्ट्रोल, इलेक्ट्रोनिक व्रेकफोर्स डिस्ट्रिव्युसन र रिभर्स पार्किङ एसिस्ट लगायत फिचर्स दिइएको छ ।टियागोमा टचस्क्रिन इन्फोटेन्मेन्ट सिस्टम, माउन्टेड कन्ट्रोल सहितको स्टेरिङ ह्विल, एड्जस्टेवल हेडरेष्ट, किलेस इन्ट्रि र कुल्ड ग्लोभवक्स लगायत सुबिधाहरु उपलब्ध रहेको छ ।

नेपाली बजारमा यसको बिएस४ र बिएस६ दुबै भर्सन उपलब्ध रहँदै आएको छ । जसमध्ये बिएस४ को मूल्य २५ लाख र ६ भेरियन्टमा उपलब्ध बिएस६ भर्सनको २८ लाख ४९ हजारदेखी ३८ लाख रुपैयाँसम्म निर्धारण गरिएको छ ।

सम्बन्धित समाचारहरू

टाटाका विद्युतीय कार किन्न नविल बैंकले ८० प्रतिशत सम्म ऋण दिने

टाटाका विद्युतीय कार किन्न नविल बैंकले ८० प्रतिशत सम्म ऋण दिने

काठमाडौं – टाटा मोटर्सका विभिन्न विद्युतीय कार किन्नका लागि नविल बैंकले...

कस्तो हुनेछ टाटा एसयुभीको काजीरंगा एडिसन ? यी बिशेषता हुनेछन् थप

कस्तो हुनेछ टाटा एसयुभीको काजीरंगा एडिसन ? यी बिशेषता हुनेछन् थप

एसयुभीको उत्पादन र कारोबारमा आक्रमक देखिएको टाटा मोटर्सले पछिल्लो समय...

४६ लाख ४९ हजार रुपैयाँमै आयो टाटा नेक्सन ईभी म्याक्स

४६ लाख ४९ हजार रुपैयाँमै आयो टाटा नेक्सन ईभी म्याक्स

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...