नेपाली बजार भित्रिदै एफआई प्रविधि सहित टीभीएसका तीन नयाँ मोडल

काठमाडौं – नेपाली बजारमा टीभीएसका तीन नयाँ मोडलका मोटरसाइकल र स्कुटर भित्रिने भएका छन् । नेपालका लागि टीभीएसको आधिकारिक वितरक जगदम्बा मोटर्सले टीभीएस रेडर र रेडिअन मोटरसाइकल तथा एनटर्क स्कुटरको नयाँ मोडल नेपाली बजारमा उपलब्ध गराउने भएको हो ।

पहिले देखि नै यी मोडल नेपाली बजारमा उपलब्ध भए पनि अब एफआई र बीएस६ मोडलमा उपलब्ध हुने छन् । टीभीएस रेडर १२५ एफआई, रेडिअन एफआई र एनटर्क डिस्क एफआईमा उपलब्ध हुनेछ । यी मध्ये रेडर र रेडिअन अब बीएस६ मोडल भएको कम्पनी स्रोतको भनाइ छ ।

यी मोडलको मूल्य क्रमशः २ लाख ८९ हजार ९ सय, २ लाख ३६ हजार ९ सय र २ लाख ७४ हजार ९ सय रुपैयाँ रहेको छ ।

हाल नेपाली बजारमा उपलब्ध टीभीएस रेडरको मूल्य २ लाख ७० हजार ९ सय रुपैयाँ छ । त्यसैगरी रेडिअनको मूल्य २ लाख ३ हजार ९ सय छ भने एनटर्कका विभिन्न मोडलको मूल्य फरक फरक छ ।

नेपाली बजारमा टीभीएसका विभिन्न मोडल उपलब्ध छन् । यी मध्ये बीएस६ मोडल समेत क्रमशः नेपाली बजारमा भित्रिने क्रममा रहेका छन् ।