एमजीको आगामी सीयूभी विन्डसर ईभीको टिजर सार्वजनिक, परीक्षण समयमा देखियो

एमजी मोटर्स इन्डियाले आफ्नो आगामी क्रसओभर युटिलिटी गाडी (सीयूभी) विन्डसर ईभीको टिजर सार्वजनिक गरेको छ । सोसल मिडिया प्लेटफर्म एक्समा शेयर गरिएको भिडियोमा कार पहाडमा परीक्षण भइरहेको देखाइएको छ। यद्यपि भिडियोमा सो इलेक्ट्रिक गाडीलाई कभरले ढाकिएको छ ।

सो कार यो वर्ष फेस्टिभ सिजनमा लन्च हुनेछ । लन्च पछि यो भारतमा एमजीको तेस्रो इलेक्ट्रिक कार हुनेछ। सो कार जेडएस ईभी भन्दा सस्तो इलेक्ट्रिक कार हुनेछ । यसको एक्स शोरूम मूल्य लगभग २० लाख भारु हुने अनुमान गरिएको छ ।

सो कार इन्डोनेसियामा वुलिङ क्लाउड ईभीको नामबाट बिक्री भइरहेको छ । भारतीय लन्च हुने कारको स्पेसिफिकेशनको बारेमा जानकारी खुलाइएको छैन। तर भारतमा लन्च गरिने एमजी विन्डसर ईभीमा ५०.६ किलोवाट ब्याट्री प्याक हुन सक्ने अपेक्षा गरिएको छ ।

सो कारमा १५.६ इन्चको टचस्क्रिन, ८.८ इन्चको डिजिटल ड्राइभर डिस्प्ले, वायरलेस फोन चार्जिङ, मल्टी कलर एम्बियन्ट लाइटिङ, इलेक्ट्रिक एड्जस्टेबल फ्रन्ट सिट र इलेक्ट्रिक टेलगेट जस्ता फिचर हुनेछ ।

यसका साथै सेफ्टिका लागि कारमा ६ एयरब्याग, इलेक्ट्रोनिक स्टेबिलिटी कन्ट्रोल, टायर प्रेसर मोनिटरिङ सिस्टम, इलेक्ट्रोनिक पार्किङ ब्रेक र ३६० डिग्री क्यामेरा जस्ता फिचर हुनेछ । कम्पनीले यसमा एडास सिस्टम पनि प्रदान गर्न सक्ने सम्भावना छ, जस अन्तर्गत एडाप्टिभ क्रुज कन्ट्रोल र अटोमेटिक इमरजेन्सी ब्रेकिङ जस्ता फंक्सन उपलब्ध हुनेछ ।