टाटा मोटर्सले १ लाख इलेक्ट्रिक कार बेच्यो, बिक्री चार्टमा नेक्सन ईभी शीर्ष स्थानमा

टाटा मोटर्सको नेक्सन ईभी लन्चिङ समयदेखि हालसम्म १ लाख युनिट बिक्री गरेको घोषणा गरिएको छ । यहाँसम्म आइपुग्न टाटालाई ५ वर्ष लाग्यो ।

टाटा मोटर्सको हाल इलेक्ट्रिक कार क्षेत्रमा नेक्सन ईभी, टिगोर ईभी र टियागो ईभी उपलब्ध छ । कम्पनीले अहिलेसम्म भारतमा आफ्नो इलेक्ट्रिक कार मोडलले करिब १ अर्ब ४० करोड किलोमिटरको दुरी पार गरेको जानकारी दिएको छ ।

टाटा नेक्सन ईभीको मूल्य १४ लाख ४९ हजार भारु मूल्यदेखि सुरु हुन्छ । कम्पनीको टियागो ईभी सबैभन्दा किफायती इलेक्ट्रिक कार मोडल मध्ये एक हो ।

टाटा टियागो ईभीको एक्सई, एक्सटी, एक्सजेड र एक्सजेड प्लस लक्स ४ वटा ट्रिममा उपलब्ध छ । भेरिएन्टको आधारमा इलेक्ट्रिक ह्याचब्याकको रेन्ज २५० किमी वा ३१५ किमी छ ।

टियागो ईभीलाई नेक्सन ईभी पछि लन्च गरिएको थियो र भारतीय बजारमा एक मात्र इलेक्ट्रिक कम्प्याक्ट सेडान हो । टिगोर ईभीसँग एआरएआईले ३१५ किलोमिटरको रेन्ज दाबी गरेको छ ।

टाटा नेक्सन ईभी प्राइम र म्याक्स गरी २ भेरिएन्टमा लन्च गरिन्छ । प्राइम स्ट्यान्डर्ड भर्सन हो जबकि म्याक्स लामो रेन्जको भेरिएन्ट हो । नेक्सन ईभी एक पटक फुल चार्ज गरेपछि यसको ड्राइभिङ रेन्ज ३१२ किलोमिटर हुने दाबी गरिएको छ । जबकि नेक्सन ईभी म्याक्सको रेन्ज ४५३ किलोमिरट हुने दाबी गरिएको छ ।