टारोका बाइक तथा स्कुटरमा ३० हजार सम्म छुट : आयो दशै तिहार स्किम

काठमाडौं – नेपालका लागि टारो ब्रान्डका बाइक तथा स्कुटरको आधिकारिक वितरक ओम मोटोकर्पले टारो मोटरसाइकल तथा स्कुटरमा दशैं स्किम सार्वजनिक गरेको छ । कम्पनीले ‘४ को चमत्कार, बाइक पनि बचत पनि’ स्किम सार्वजनिक गरेको हो ।

यो योजनामा ग्राहकले टारो ब्रान्डका मोटरसाइकल तथा स्कुटरको खरिदमा ३० हजार रुपैयाँसम्म नगद छुट तथा विभिन्न बम्पर पुरस्कार जित्न सक्नेछन् । ग्राहकहरुले कम्पनीको शोरुममा गइ टेस्ट राइड तथा पोज एन्ड पोस्ट क्याम्पेन अन्तर्गत फोटो खिची लाइक एन्ड सेयर गर्दा हातखाली नहुने उपहार समेत जित्न सक्नेछन् ।

ओम मोटोकर्पले विक्री गर्ने मोटरसाइकल जीपी२ २००, जीपी १ २५० र जीपी १ ४०० मा नगद ३० हजार रुपैयाँ छुट तथा स्कुटर इमोला १५० मा १५ हजार नगद छुट दिने भएको हो । यसका साथै यो योजनामा सहभागी १ जना भाग्यशाली बिजेताले ५ वर्षको कर तथा इन्स्योरेन्स छुट प्राप्त गर्न सक्नेछन् ।

कम्पनीले नेपालमा बिक्री गर्दै आएको इमोला १५० स्कुटरको मूल्य ३ लाख ३० हजार रुपैयाँ, जीपी २ २५० को मूल्य ५ लाख ५० हजार, जीपी १ २५० को मूल्य ६ लाख ५० हजार र जीपी १ ४०० को मूल्य ९ लाख ५० हजार रुपैयाँ रहेको छ ।

त्यस्तै यो योजनामा ग्राहकले टेष्ट राइड गरेर हात खाली नजाने पुरस्कार उपलब्ध गराउने कम्पनीले जनाएको छ ।