बिर्तामोडमा एसएमएल ईसुजुको ग्राहक भेटघाट कार्यक्रम सम्पन्न

काठमाडौं–एसएमएल इसुजुको नेपालका लागि एकमात्र आधिकारिक वितरक लक्ष्मी कमर्शियल भेहिकल्स प्रालिले बिर्तामोडमा ‘ग्राहक भेटघाट कार्यक्रम २०२५’ सफलतापूर्वक सम्पन्न गरेको छ ।

पर्शुराम पार्टी प्यालेसमा सम्पन्न उक्त कार्यक्रममा विद्यालय सञ्चालक, व्यवसायी, सामाजिक व्यक्तित्वहरू र बैंक तथा वित्तीय संस्थाका प्रतिनिधिहरू सहित १५० भन्दा बढी सहभागिता रहेको थियो ।

कार्यक्रमको मुख्य उद्देश्य ग्राहकहरूसँगको सम्बन्धलाई अझ मजबुत बनाउने, बिर्तामोडमा नयाँ शाखाको उद्घघोषण गर्ने र एसएमएल ईसुजु ब्रान्डका सवारीसाधनको बारेमा जानकारी गराउनु रहेको थियो । कार्यक्रममा उत्पादन प्रस्तुतीकरण, प्रत्यक्ष अन्तरक्रिया र नेटवर्किङ डिनरको समेत व्यवस्था गरिएको थियो ।

कार्यक्रममा लक्ष्मी कमर्शियल भेहिकल्सका सेल्स तथा अफ्टर सेल्स हेड सञ्जय खड्काले कम्पनीको सेवाप्रति प्रतिबद्धता व्यक्त गरे भने बस इन्चार्ज रामहरी थपलियाले एसएमल ईसुजुको प्रविधिगत पक्षबारे जानकारी दिए ।

सहभागीहरूले उत्साहजनक प्रतिक्रिया दिएको र यसले कम्पनीको ‘ग्राहक पहिलो’ नीतिलाई थप मजबुत बनाएको बताइएको छ ।