स्मार्ट लुब्रिकेन्ट्सको पाँचौ साधारण सभा तथा डिलर सम्मेलन सम्पन्न

काठमाडौं–स्मार्ट लुब्रिकेन्ट्सको पाँचौ वार्षिक साधारण सभा तथा डिलर सम्मेलन सौराहामा सम्पन्न भएको छ ।

कम्पनीका शेयर सदस्य, ग्राहक, डिलर तथा सब–डिलरहरूको उल्लेख्य सहभागिता रहेको उक्त समारोहमा कम्पनीको वार्षिक गतिविधि, कारोबारको समीक्षा तथा आगामी योजनाबारे छलफल गरिएको थियो । कार्यक्रमका क्रममा कम्पनीको कारोबारमा उल्लेखनीय वृद्धि भएको जानकारी दिइएको थियो ।

औपचारिक कार्यक्रमका साथै सहभागीहरूलाई सौराहाको पर्यटन र स्थानीय संस्कृतिसँग नजिक गराउने उद्देश्यले विशेष सांस्कृतिक तथा पर्यटकीय गतिविधि पनि आयोजना गरिएको थियो ।

जसअनुसार सहभागीहरूले स्थानीय थारू संस्कृतिमा आधारित नृत्य अवलोकन गर्नुका साथै रोमाञ्चक हात्ती सफारीको अनुभवसमेत बटुलेका थिए ।

कार्यक्रमलाई सफल बनाउन निरन्तर साथ, सहयोग र विश्वास प्रदान गर्ने सम्पूर्ण ग्राहक, डिलर, सब–डिलर तथा शेयर सदस्यहरूप्रति कम्पनीका कार्यकारी निर्देशक सुरज बराइलीले आभार व्यक्त गरेका छन् ।