बाढीपीडित वर्कशपलाई गल्फ लुब्रिकेन्ट्सको सहयोग

नुवाकोट–भोटेकोसी बाढीबाट पूर्ण रूपमा क्षतिग्रस्त विदुर नगरपालिका–ढुंगेस्थित भैरवी मोटरसाइकल वर्कशपलाई गल्फ लुब्रिकेन्ट्सले उपकरण सहयोग गरेको छ ।

नेपाल ल्युब आयल लिमिटेड अन्तर्गतको गल्फले वर्कशप पुनः सञ्चालनका लागि आवश्यक मर्मत टुल्स, हावा भर्ने मेसिन र बाइक वास गर्ने मेसिनलगायतका उपकरण हस्तान्तरण गरेको हो ।

नेपाल ल्युब आयलका प्रतिनिधि ओसिम अक्रम र गल्फ लुब्रिकेन्ट्सको नुवाकोटस्थित आधिकारिक डिलर गणपति इन्टरप्राइजेजका कृष्णराज न्यौपानेको उपस्थितिमा उपकरण हस्तान्तरण गरिएको थियो ।

बाढीबाट व्यवसायमा ठूलो क्षति व्यहोरेका सञ्चालकलाई पुनः व्यवसायमा फर्किन सहयोग पु-याउने उद्देश्यले उपकरण उपलब्ध गराइएको कम्पनीले जनाएको छ । यसले वर्कशपको सेवा पुनः सञ्चालन गर्न र व्यवसायलाई पुरानै अवस्थामा फर्काउन मद्दत पुग्ने अपेक्षा गरिएको छ ।

गणपति इन्टरप्राइजेजका प्रतिनिधि न्यौपानेले नेपाल ल्युब आयल ग्राहकलाई गुणस्तरीय गल्फ लुब्रिकेन्ट उपलब्ध गराउनुका साथै सामाजिक उत्तरदायित्वका गतिविधिमा पनि प्रतिबद्ध रहेको बताए ।