नयाँ बानेश्वरमा ठडियो आकाशे पुल

काठमाडौं– निषेधाज्ञाकै क्रममा काठमाडौंको अति व्यस्त नयाँ बानेश्वरमा पैदलयात्रीका लागि सडक वारपार गर्न आकाशे पुल निर्माण गरिएको छ ।

फलामको उक्त आकाशे पुल करिव दुई साताभन्दा लामो समय लगाएर तयार पारिएको हो । आकाशे पुललाई पछिल्लो केही दिन लगाएर फिट गरिएको हो ।

त्यस क्रममा ट्राफिक प्रहरीले नयाँ बानेश्वरबाट बिजुलीबजारतर्फ जाने सवारीसाधनलाई डाइभर्ट गरेका थिए भने बिजुलीबजारबाट नयाँ वानेश्वरतर्फ आउने सवारीलाई पनि डाइभर्ट गरिएको थियो ।

पुल ठडिए पनि सर्वसाधारण भने आवतजावत गर्नका लागि अझै केही समय लाग्नेछ ।