यस्तो छ सलमान खानले प्रयोग गर्ने बुलेटप्रुफ टोयोटा ल्यान्डक्रुजर

बलिउड अभिनेता सलमान खान गत हप्ता पहिलो पटक बुलेटप्रुफ टोयोटा ल्यान्डक्रुजरमा देखिएका थिए । उनले केही महिनादेखि सो एसयूभीको प्रयोग गर्दै आइरहेका छन् ।

सलमान खान र उनका बुबालाई ज्यान मार्ने धम्कीपछि सलमान खानले बुलेटप्रुफ कार प्रयोग गर्न थालेका हुन् । टोयोटाले यसअघि नै नयाँ टोयोटा ल्यान्डक्रुजर एलसी ३०० अन्तर्राष्ट्रिय बजारमा लन्च गरिसकेको छ ।

यद्यपि सो बुलेटप्रुफ टोयोटा ल्यान्डक्रुजर भारतीय बजारमा लन्च गरिएको छैन । सलमान खानको नयाँ बुलेटप्रुफ टोयोटा ल्यान्डक्रुजर अन्तिम जेनरेशनको मोडल हो ।

टोयोटा ल्यान्डक्रुजर जस्ता कारलाई आफ्टरमार्केट आर्मरिङ चाहिन्छ । संसारभरि धेरै प्रतिष्ठित आर्मरिङ ग्यारेजहरू छन् । महिन्द्रा आर्मर्ड भेइकलले पनि ग्राहकको आवश्यकतामा आधारित आफ्टरमार्केट आर्मरिङ सेवा प्रदान गर्छ ।

यो वर्षको सुरुवातमा टोयोटा ल्यान्डक्रुजर ४ वर्षपछि भारतमा लन्च हुने जानकारी आएको थियो । कम्पनीले ३०० सिरिजको ल्यान्डक्रुजर एसयूभीलाई हालको माग पूरा गर्न ४ वर्ष लाग्ने पुष्टि गरेको थियो ।

कम्पनीले यो समयलाई घटाउने काम भइरहेको जनाएको छ । सो एसयूभीले राम्रो प्रतिक्रिया पाइरहेको छ । टोयोटा ल्यान्डक्रुजरले जापानमा मात्र नभई विश्वभर राम्रो प्रतिक्रिया पाएको छ । सो एसयूभी जुनमा सार्वजनिक गरिएको थियो । टोयोटा ल्यान्डक्रुजर अपडेट र नयाँ फिचर सहित ल्याइएको छ ।