जेएसडब्लू एमजीमा हिस्सा घटाउँदै एसएआईसी

एमजी मोटरको माउ कम्पनी एसएआईसीले जेएसएडब्लू एमजी मोटर इन्डियामा रहेको आफ्नो थप १० प्रतिशत हिस्सा जेएसडब्लू समूहलाई बिक्री गर्ने भएको छ । यससँगै, जेएसडब्लू कम्पनीको सबैभन्दा ठूलो शेयर होल्डर बन्नेछ ।

चिनियाँ कम्पनीमाथी भारतको लगानी प्रतिबन्धका कारण एसएआईसीले इक्विटी ल्याउन र भारतमा आफ्नो सञ्चालन विस्तार गर्न संघर्ष गरिरहेको अवस्थामा यो डिल हुन लागेको हो ।

दुई वर्ष अघि जेएसडब्लू समूहले १.२ अर्व डलरमा कम्पनीको ३५ प्रतिशत हिस्सा खरिद गरेको भएपनि हाल हुन लागेको डिलबारे कुनै जानकारी बाहिर ल्याइएको छैन ।

भारतिय बजारमा निकै आक्रमक देखिएको जेएसडब्लू एमजी मोटरले नयाँ कार लन्च गर्न ४१८ मिलियन डलर लगानी गर्ने योजना बनाएको छ । कम्पनीले आफ्नो वार्षिक उत्पादन क्षमतालाई ३ लाख युनिट पुर्याउने लक्ष्य समेत राखेको छ ।

साथै, एसएआईसीले पनि एक्सटेन्डेड रेन्ज ईभी र हाइब्रिड मोडल लन्च गर्न जेएसडब्लू एमजी मोटरमा ६३ मिलियन डलर लगानी थप गर्ने तयारी गरेको छ ।