नेपाली बजारमा यामाहाको अर्को बाइक आर१५ भी४ : खुल्यो बुकिङ

काठमाडौं – यामाहाको नयाँ बाइक आर१५ भी४ को बुकिङ खुलेको छ । भृकुटीमण्डपमा जारी यामाहा महा एक्सचेन्ज मेलामा सो बाइक टेस्ट राइड समेत गर्न सकिन्छ ।

क्विकसिफ्टर यसमा भएको विशेष फिचर हो । यसका कारण निश्चित गति भन्दा बढी चलाउदा गियरसिफ्ट आर्फै हुन्छ र घटाउदा मात्र गियरको प्रयोग गर्नुपर्छ । त्यसैगरी यसमा अपसाइड डाउन टेलिस्कोपिक सस्पेन्सन छ, जसले गर्दा ट्राफिक जाम भएको समयमा चलाउन सहज हुन्छ ।

यो बाइकमा प्रोजेक्टर एलईडी ल्याम्प छ भने एरोडाइनामिक बडीले यसको लुक आकर्षक देखिएको छ । डिजिटल कन्सोल भएको सो बाइकमा स्पोर्ट र स्ट्रिट गरी दुई राइडिङ मोड उपलब्ध छ ।

त्यसैगरी यो बाइकमा साइड स्ट्यान्ड सेन्सर, परिस्कृत रियर फेन्डर आदि विशेषता उपलब्ध छन् । सो बाइकमा १५५ सीसी, ४ स्ट्रोक, लिक्विड कुल्ड, एसओएचसी, ४ भल्भ इन्जिन उपलब्ध रहेको छ । सो इन्जिनले १०००० आरपीएममा १८.४ पीएसको पावर र ७५०० आरपीएममा १४.२ एनएमको टर्क जेनेरेट गर्छ । भेरिएबल भल्व एक्चुएशनको साथमा फ्युल इन्जेक्टेड मोटरलाई ६ स्पिड गियरबक्समा जोडिएको छ ।

नेपालका लागि यामाहाको आधिकारिक वितरक एमएडब्ल्यु इन्टरप्राइजेज प्रालिले हाल यो बाइकको बुकिङ खुल्ला गरेको छ । यसको मूल्य भने अझै सार्वजनिक गरिएको छैन । यसको मूल्य ५ लाख ६० हजार रुपैयाँ भन्दा बढी पर्ने अनुमान गर्न सकिन्छ ।