भोली प्रोटोन एक्स ५० को औपचारिक लन्च हुने

प्रोटोन गाडीको नेपालका लागि आधिकारिक बितरक जगदम्बा मोटर्स प्रालिले भोली नयाँ एसयुभी प्रोटोन एक्स ५० लाई औपचारिक लन्च गर्ने भएको छ । १ महिना अगाडी नै नेपाल भित्रिएको यो एसयुभीलाई कम्पनीले नेपाली सडकमा परिक्षण गर्दै आएको थियो । सोही क्रममा केही दिन पहिले मिडिया टेष्ट ड्राइभको समेत आयोजना गरिएको थियो । यो एसयभीको मूल्य समेत कम्पनीले यसअघि नै सार्बजनिक गरिसकेको छ ।

स्ट्यान्डर्ड, प्रिमियम र फ्ल्यागसिप गरी तीन भेरिएन्टमा उपलब्ध यो एसयुभीको मूल्य क्रमश ७१ लाख ९९ हजार, ७९ लाख ९९ हजार र ८४ लाख ९९ हजार रुपैयाँ निर्धारण गरिएको छ । यो नयाँ एसयुभी समेत थप भएपछि मलेसियन ब्रान्ड प्रोटोनको नेपाली बजारमा २ वटा एसयुभी र एउटा सेडान गरी कुल तीन मोडल उपलब्ध हुनेछ । कम्पनीले यसअघि एक्स ७० एसयुभी र सागा सेडानको कारोबार गर्दै आइरहेको थियो ।

१.५ लिटर टीजीडीआई इन्जिन जडान यसको माथिल्लो भेरियन्ट अर्थात फ्ल्यागसिप मोडलले १७७ पीएस पावर र २५५ एनएम टर्क जेनेरेट गर्छ भने स्ट्यान्डर्ड र प्रिमियम भेरिएन्टमा रहेको इन्जिनले १५० पीएस पावर र २२६ एनएम टर्क जेनेरेट गर्छ ।

यो नयाँ एसयुभीमा रिमोट इन्जिन स्टार्ट, अटो पार्क असिस्ट, फ्रन्ट वेलकम ल्याम्प, फरवार्ड कोलिजन वार्निङ, आईसीसी अर्थात इन्टेलिजेन्ट क्रुज कन्ट्रोल, लेन डिपार्चर वार्निङ, बीएलआईएस अर्थात ब्लाइन्ड स्पट इन्फर्मेसन सिस्टम, आईएचबीसी अर्थात इन्टेलिजेन्ट हाई बिम कन्ट्रोल र भ्वाइस कमान्ड लगायत अन्य प्रशस्तै आधुनिक फिचर्स दिइएको छ ।