नोर्टन मोटरसाइकल अव भारतमै उत्पादन हुने

नोर्टन मोटरसाइकलले २०२५ बाट आफ्नो बाइक भारतमा उत्पादन गर्ने योजना बनाएको छ । बेलायती ब्राण्ड नोर्टन टिभिएस मातहत रहेका कारण यसको उत्पादन समेत सोही ब्राण्डले गर्नेछ ।

टिभिएसका एमडी सुदर्शन वेणुले नोर्टन मोटरसाइकललाई बलियो बनाउन कम्पनीले भारतमा आफ्नो उत्पादन र आपूर्ति शृंखलाको लाभ उठाउने बताए । बिएमडब्लुसंग सहकार्य गर्दै आएका कारण आफूहरुसंग यूरोपली डिजाइन, युरोपेली मार्केटिङ र युरोपेली इन्जिनियरिङ समेत भएको उनले बताए । उक्त बाइक टिभिएसको होसुर प्लान्टमा उत्पादन हुनेछ ।

टिभिएसले आफ्नो होसुर प्लान्टमा बीएमडब्लूका बाइक समेत उत्पादन गर्दै आएको छ । सो प्लान्टले टिभिएससँग संयुक्त रूपमा विकास गरिएको बीएमडब्लुको ३१० सीसी रेन्ज उत्पादन गर्दै आएको हो । साथै, होसुर प्लान्बाटै बिएमडब्लुको इलेक्ट्रिक स्कुटर सीई०२ समेत उत्पादन हुँदै आएको छ ।