प्रोटोन ईमासको एक्सचेन्ज अफर सोमबारसम्म, के–के छन् आकर्षण

काठमाडौं– जगदम्बा मोटर्स प्रालि अन्तर्गत सञ्चालन हुने विद्युतीय सवारीसाधन (ईभी) ब्रान्ड प्रोटोन ईमासले आयोजना गरेको विशेष एक्सचेन्ज अफर सोमबार(भोली) सम्म सञ्चालन हुने भएको छ ।

गत शुक्रबारदेखि आइतबार(आज) सम्मका लागि आयोजना गरिएको उक्त अफरमा ग्राहक आकर्षण बढेपछि १ दिन थप गरिएको हो । काठमाडौंको ज्ञानेश्वरस्थित एटीकमा सञ्चालन भइरहेको एक्सचेन्ज अफर अन्तर्गत ग्राहकले ४६ लाख ९९ हजारमै ईमास७ खरिद गर्न सक्नेछन् ।

कार्यक्रममा सवारीसाधन एक्सचेन्ज गर्न चाहने ग्राहकहरूलाई प्रोटोन ईमासका प्रमुख विशेषता, सेवासुविधा तथा अफरका फाइदाबारे विस्तृत जानकारी प्रदान गरिएको कम्पनीले जनाएको छ ।

प्रोटोन ईमास ७ ले शक्तिशाली १६० किलोवाट मोटर पावर प्रदान गर्दछ भने यसमा १८० मिमी ग्राउण्ड क्लिरेन्स तथा एनइडिसी रेन्ज ४९२ र ५८५ रहेको छ ।

उन्नत सुरक्षात्मक तथा प्रिमियम डिजाइन सुविधासहितको यो ईभीको लम्बाइ ४६१० मिमी रहेको कम्पनीले उल्लेख गरेको छ । यस विशेष अफरमार्फत ग्राहकहरूले अत्याधुनिक ईभीमा अपग्रेड गर्ने उत्कृष्ट अवसर पाउने कम्पनीको भनाई छ ।