बजाजका १४ मोटरसाइकल भयो महंगो, ८ महिनामै ३ पटक मूल्य बृद्धि

बजाजले १४ मोडलका मोटरसाइकलको मूल्य वृद्धि गरेको छ । नेपालका लागि आधिकारिक वितरक हंसराज हुलासचन्द एन्ड कम्पनी प्रालिले सार्वजनिक गरेको पछिल्लो मूल्य सुची अनुसार यी मोटरसाइकलमा २ देखी ५ हजार रुपैयाँसम्म मूल्य वृद्धि भएको छ । वैशाखयता कम्पनीले तेस्रो पटक मूल्य वृद्धि गरेको हो ।

सवैभन्दा बढी डिस्कभर र पल्सर २०० एनएसमा ५ हजार रुपैयाँको दरले वृद्धि गरिएको छ भने सवैभन्दा कम प्लाटिनामा २ हजार वढाइएको छ । अन्य मोडलहरु पल्सर १२५ डिस्क र पल्सर २२० एफ एविएसमा ३ हजारका दरले बृद्धि गरिँदा पल्सर १५०, पल्सर १६० एनएस टिडी एविएस, पल्सर २०० एनएस एपआई एविएस, पल्सर २०० एनएस एपआई एविएस विएस६, एभेन्जर १६० स्ट्रिट एविएस र एभेन्जर २२० क्रुजमा ४ हजार रुपैयाँका दरले बृद्धि गरिएको छ ।

नयाँ मूल्य सूची अनुसार प्लाटिना १०० इएसको मूल्य १ लाख ९४ हजार ९०० पुगेको छ भने डिस्कभर १२५ डिस्कको २ लाख २८ हजार ९००, डिस्कभर १२५ एसटीको २ लाख ३५ हजार ९०० र पल्सर १२५ डिस्कको २ लाख ४९ हजार ९०० कायम गरिएको छ ।

यसैगरी, पल्सर १५० एसडीको २ लाख ८६ हजार ९००, पल्सर १५० टिडीको ३ लाख ३ हजार ९००, पल्सर १६० एनएस टिडी एविएसको ३ लाख २८ हजार ९००, पल्सर २२० एफ एविएसको ३ लाख ९४ हजार ९००,पल्सर २०० एनएस नन् एविएसको ३ लाख ३४ हजार ९०० र पल्सर २०० एनएस एविएसको ३ लाख ७४ हजार ९०० कायम गरिएको छ ।

पल्सर २०० एनएस एफआई एविएस विएस६ को नयाँ मूल्य४ लाख ८ हजार ९००, एभेन्जर १६० स्ट्रिट एविएसको ३ लाख ५१ हजार ९०० र एभेन्जर २२० क्रुजको ४ लाख ३ हजार ९०० पुर्याइएको छ ।

कम्पनीले यसअघि वैशाखमा ३ देखी १० हजार रुपैयाँसम्म मूल्य वढाएको थियो भने लगत्तै जेठमा पनि ३ देखी २० हजार रुपैयाँसम्मले मूल्य बृद्धि गरेको थियो ।