बजेटपछि यी ४ ब्राण्डले बढाए ईभीको मूल्य, कुनमा कति ?

काठमाडौं–बजेटले करको दर बृद्धि गरेपछि ईभी आयतकर्ता अहिले धमाधम गाडीको मूल्य समायोजन गरिरहेका छन् । भन्सार र अन्तशूल्क गरी समग्रमा १० प्रतिशतले कर बृद्धि गरिएका कारण मूल्य समायोजन गर्नुपर्ने दवावमा कम्पनीहरु छन् । हालसम्म हुन्डाई, टाटा, दिपल र बीवाइडीमा मूल्य समायोजन गरिएको छ ।

हुन्डाई गाडीको आधिकारिक वितरक लक्ष्मी इन्टरकन्टिनेन्टलले आफ्नो प्रिमियम कार आयोनिक ५ मा १ लाख रुपैयाँ बृद्धि गरेको छ । यसअघि १ करोड २ लाख ९६ हजारमा आयोनिक ५ खरिद गर्दै आएका ग्राहकले अव १ करोड ३ लाख ९६ हजार तिर्नु पर्नेछ ।

टाटा ईभीको आधिकारिक बिक्रेता सिप्रदी ट्रेडिङले टियागोको सबै भेरियन्टमा १ लाख रुपैयाँले मूल्य वृद्धि गरेको छ । अब टियागो ईभीको टप भेरियन्ट किन्ने ग्राहकले २९ लाख ९९ हजार रुपैयाँ तिर्नु पर्ने भएको छ । टियागो अहिले तीन भेरियन्टमा उपलब्ध रहेको छ । यसको इन्ट्री भेरियन्टको रुपमा एक्सटी भेरियन्ट उपलब्ध छ । यसको नयाँ मूल्य २७ लाख ४९ हजार, एक्सजेड प्लस भेरियन्टको मूल्य २८ लाख ९९ हजार र एक्सजेड प्लस लग्जरी भेरियन्टको मूल्य २९ लाख ९९ हजार पुगेको छ ।

पछिल्लो समय निकै चर्चा बटुलेको दिपल एस०७ मा ३ लाख रुपैँया बढेको छ । बजेट अघि ७१.९९ लाखमा बिक्री भईरहेको दिपल ईभीको मूल्य ३ लाखले बढेर ७४ लाख ९९ हजार पुगेको हो । सोही कम्पनीले बिक्री गर्ने अर्को ईभी ब्राण्ड सेरेसमा भने पुरानै मूल्यलाई निरन्तरता दिइएको छ । केहिदिन पहिले सार्बजनिक गरेको सेरेस३ को फेसलिफ्ट भर्सनलाई पुरानै मूल्यमा बिक्री शुरु गरेका कारण कम्पनीले यो एसयूभीमा मूल्य नबढाउने अनुमान गर्न सकिन्छ ।

यसैगरी, बजारमा सर्बाधिक बिक्री हुने बीवाइडी ब्राण्डका कारमा समेत मूल्य समायोजन गरिएको छ । बीवाइडीको नेपालका लागि आधिकारिक वितरक साइमेक्स इंक प्रालिले एट्टो३ एड्भान्स भेरिएन्टमा ९१ हजार एट्टो३ सुपेरियरमा १ लाख ९२ हजार, डल्फिनमा १ लाख ३५ हजार र सीलमा भेरिएन्ट अनुसार १० लाखसम्म बृद्धि गरेको हो ।

मूल्य समायोजन पछि सर्बाधिक बिक्री हुने मोडल एट्टो३ एड्भान्सको ५६ लाख ९० हजार, एट्टो३ सुपेरियरको ६७ लाख ८० हजार र डल्फिनको ४१ लाख १५ हजार रुपैयाँ पुगेको छ । यसैगरी, तीनवटा भेरिएन्टमा उपलब्ध सीलको भने डाइनामिक भेरिएन्टमा ५ लाख, प्रिमियमा ६ लाख र पर्फमेन्समा १० रुपैयाँ बृद्धि भएको छ । यी गाडीको नयाँ मूल्य क्रमशः १ करोड १० लाख, १ करोड ४५ लाख ५० हजार र १ करोड ९५ लाख पुगेको हो ।

यसैगरी एमजी, ओमोडा, नेटा, जिएसी र टेस्ला लगायत ब्राण्डले हालसम्म मूल्य समायोजन गरेका छैनन् ।

सम्बन्धित समाचारहरू

५० किलोवाट आवरको ब्याट्री प्याक भएको बीवाईडी एट्टो ३ भित्रियो, अवलोकन र टेस्ट ड्राइभ गर्न सकिने

५० किलोवाट आवरको ब्याट्री प्याक भएको बीवाईडी एट्टो ३ भित्रियो, अवलोकन र टेस्ट ड्राइभ गर्न सकिने

काठमाडौं – बीवाईडीको नेपालका लागि आधिकारिक वितरक साइमेक्स इंकले ५०...

सन् २०२३ मा बीवाईडीको बजारमा तीव्रता, नेपालमा उस्तै क्रेज

सन् २०२३ मा बीवाईडीको बजारमा तीव्रता, नेपालमा उस्तै क्रेज

विद्युतीय गाडी निर्माता कम्पनी बीवाईडीले सन् २०२३ मा तीव्र रुपमा बजार...

विश्वमा बिक्री भएका टप १० ईभी मध्ये ५ बीवाईडी र २ टेस्लाका इलेक्ट्रिक कार

विश्वमा बिक्री भएका टप १० ईभी मध्ये ५ बीवाईडी र २ टेस्लाका इलेक्ट्रिक कार

मार्केट रिसर्च एजेन्सी काउन्टरप्वाइन्ट रिसर्चले सार्वजनिक गरेको पछिल्लो...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...