‘नो हर्न’ अभियानमा थप कडाइ, नौ हजार आठसय कारबाहीमा
काठमाडौँ – काठमाडौँ उपत्यकामा सवारी साधनबाट हुने ध्वनी प्रदूषण कम गर्ने...
कम्वसन इन्जिनयुक्त प्यासेन्जर कार र १५० सीसी माथिका मोटरसाइकलमा लगाइएको आयात प्रतिबन्धका कारण अहिले अटो बजार सुनसानको अबस्थामा छ । गत वैशाख १३ देखि लागू गरिएको प्रतिबन्धले तेस्रो चरण पार गर्दा समेत यो कहिलेसम्म लम्विने हो भन्ने कुरामा स्वयं व्यवसायी र सरकारी निकाय नै अनिर्णित छन् । सरकारले विदेशी मुद्राको सञ्चितिले ७ महिनासम्मको आयात धान्न नपुगुन्जेल प्रतिवन्ध कायमै रहने बताएको छ भने व्यवसायीले आयातमाथि पूर्ण प्रतिवन्ध लगाउनु भन्दा पनि यसलाई विस्तारै खुकुलो बनाउँदै जानुपर्ने राय व्यक्त गरिरहेका छन् ।
यसरी गाडी र मोटरसाइकलको आयात रोकिँदा अटोमोबाइल व्यवसाय धराशायी बन्दै गएको र यसले हाल यो व्यवसाय सञ्चालन गरिरहेका कैयन व्यावसायी पलायन हुनुपर्ने अबस्था सिर्जना गराएको नाडा अटोमोबाइल एसोसिएसन अफ नेपालका अध्यक्ष ध्रुव थापाले बताए । ‘विगत ४ महिनायता कार र मोटरसाइकल आयात हुन नसक्दा यो व्यावसाय नराम्रोसँग प्रभावित वनेको छ ।
व्यवसाय प्रभावित बनेसँगै कैयन व्यक्तिले रोजगारी गुमाइसकेका छन् भने भोलिका दिनमा रोजगारी गुमाउनेहरुको संख्या अझै बढेर जानेछ । यसको साथै सरकारले यो क्षेत्रबाट उठाउँदै आइरहेको राजस्व समेत नराम्रोसँग प्रभावित बनेका कारण आयात खुलाउनु पर्ने दवावमा सरकार देखिएपनि यो विषयमा सरकार मौन रहँदै आएको छ । अहिलेकै अबस्थामा प्रतिवन्ध कहिले हट्छ भनेर यकिन गर्न कठिन भैरहेको छ ’ उनले नेपाल अटोसँग भने ।
शुरुमा डेढ महिनाका लागि भनेर वैशाख १३ देखि असार मसान्त सम्मका लागि लागू गरिएको प्रतिवन्ध त्यसपछि थपिएर भदौ १३ सम्म पुग्यो । सवारीसाधनको मुख्य सिजन प्रभावित नपार्न भन्दै नाडाले फेस्टिभल सिजनमा जसरी भएपनि प्रतिवन्ध हटाउन आग्रह गर्दै आइरहेकोमा अब असोज २८ सम्मका लागि पुनः थप गरिएको छ । यसरी एकपछि अर्को गर्दै प्रतिवन्ध थपिँदै जाँदा अटोबजारमा अहिले गाडी र मोटरसाइकल खरिद गर्ने एवं बिक्री गर्ने बिक्रेता दुवै पक्ष निराश वनेका छन् ।
चाडपर्वमा मिठो खाने र नयाँ सामान किन्ने आम नेपालीको पुरानै प्रचलन हो । सोही प्रचलन अनुसार दशैं तिहारमा नयाँ गाडी खरिद गर्न धेरै ग्राहक प्रतिक्षारत रहन्छन् । तर यसपाली विगत ४ महिनायता कम्वसन इन्जिनयुक्त नयाँ कार र १५० सीसी माथिका मोटरसाइकल आयात हुन नसकेका कारण उनीहरुले आफूले चाहेको गाडी र मोटरसाइकल खरिद गर्न नपाउने भएका हुन् ।
त्यसो त बजारमा अहिले गाडी र मोटरसाइकल हुँदै नभएका भने होइनन् । प्रतिवन्ध लागू हुुनु अगाडि आयात भएका केही गाडी स्टकमै रहेपनि ग्राहकले चाहेको सवै अप्सन र मोडल उपलब्ध छैन । अर्कोतर्फ प्रतिवन्धले नछोएको इलेक्ट्रिक कारको आपूर्तिमा समस्या कायमै रहेका कारण विगत ६ महिनादेखि वुकिङ लिएका ग्राहकले अहिलेसम्म गाडी हात पर्न सकिरहेका छैनन् ।
केही कम्पनीले नयाँ मोडललाई बजारमा उतेरर बिक्री गर्ने लक्ष्य बनाएपनि उत्तरी नाका वन्द भएका कारण यी गाडी समेत नेपाल आउन ढिलाई भैरहेको छ । गाडीको आपूर्तिमा देखिएको समस्याको साथै वैंक तथा वित्तीय संस्थाले प्रवाह गर्ने अटो लोनमा कडाई गरिएका कारण ग्राहकले सहजै गाडी खरिद गर्न सक्ने अबस्था वनिरहेको छैन । जसका कारण स्टकमा भएका केही ब्रान्डका गाडी समेत बिक्री हुन नसकेर शोरुममा थन्किएका छन् ।
अहिलेको अबस्थाले अयातकर्ता व्यवसायीलाई मार त पारेको छ नै साथमा सवैभन्दा बढी मारमा डिलरसिप लिएर शोरुम चलाइरहेका व्यावसायी परेका छन् । एक शोरुम संचालकका अनुसार अटोमोवाइल क्षेत्रमा यस्तो समस्या कहिल्यै देखिएको थिएन । ‘व्यवसाय गर्ने सोच राखेर करोडौं रकम खर्चिएर डिलरसिप संचालन गरियो । तर अहिले यो निल्नु र ओकल्नु वनेको छ । छाडौं आफ्नो लगानी डुव्ने डर नछाडौ कहिलेसम्म थेग्ने । हामी अन्योलमा छौ । आयात खुल्ला र फेरि कारोबार गर्नतर्फ केन्द्रित हौला भनेर पख्र्यो सरकारले एकपछि अर्को समय थप्दै गैरहेको छ । यसले हामीलाई एकदमै अन्योलमा पारेको छ’ उनले नेपाल अटोसँग दुखेसो पोखे ।
काठमाडौँ – काठमाडौँ उपत्यकामा सवारी साधनबाट हुने ध्वनी प्रदूषण कम गर्ने...
काठमाडौँ – काठमाडौँ उपत्यका ट्राफिक प्रहरी कार्यालयले गाडीको तीव्र गति...
काठमाडौं – नेपालका लागि टोयोटाको आधिकारिक वितरक युनाइटेड ट्रेडर्स...
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...