अफरोड एसयूभी फोर्स गुर्खा अब ९ सिटरमा आउने

फोर्स गुर्खा अफरोड एसयूभी अतिरिक्त स्पेस सहितको ९ सिटर मोडल परीक्षण भइरहेको छ ।

परीक्षणमा देखिएको गुर्खा एसयूभीको साइड–फेसिङ थ्री–रो सिट कन्फिगरेसन भएको खुलासा भएको छ । आरटीओ विवरण अनुसार फोर्सले अफ–रोडरको लागि ६ र ८ सिटर कन्फिगरेसनको योजना बनाएको थियो, तर अब यो ९ सिटको विकल्पको साथ देखिने भएको छ । यसमा २ सिटर साइड–फेसिङ जम्प सिट पनि देखिएको छ ।

नयाँ गुर्खामा नयाँ फिचर पनि समावेश गर्ने अपेक्षा गरिएको छ । यसमा रिमसहित पाङ्ग्राको सट्टा १८ इन्चको अलोय ह्विल हुने अपेक्षा गरिएको छ । साथै ३ डोर मोडल कालो रङको बम्पर र फन्ेडरमा अगाडिको टर्न इन्डिकेटर, स्क्वायर विन्डोज, अफ–रोड–बायस्ड टायर, डोर–माउन्ट गरिएको स्पेयर ह्विल र पछाडि टेललाइट हुनेछ । यसमा मोनो–स्लेट ग्रिल, गोलाकार एलईडी डीआरएलको साथ हेडलाइट पनि देखिनेछ ।

फोर्स गुर्खाको ३ र ५ सिटर मोडल १३ लाख ५९ हजार भारुमा लन्च गरिएको थियो । तर, पछि यसको मूल्य बढाएरु १४ लाख ४९ हजार भारु पु-याएको थियो । नयाँ मोडलको मूल्य हालको मोडलको भन्दा बढी हुने अपेक्षा गरिएको छ ।

नेपाली बजारमा पनि फोर्स गुर्खा उपलब्ध छ । यसको मूल्य ७८ लाख ९९ हजार रुपैयाँ छ ।