७ वर्षसम्म स्थिर रहने ब्याजदरमा एनआईसी एसिया बैंकको अटो लोन, ब्याजदर पनि सस्तो

काठमाडौं–आफ्नो निजी वा व्यावसायिक सवारीसाधन जोड्ने सोचमा हुनुहुन्छ ? ग्राहकहरूको यही सपनालाई साकार पार्न एनआईसी एसिया बैंकले अत्यन्तै आकर्षक र सस्तो ब्याजदरमा नयाँ अटो लोन योजना सार्वजनिक गरेको छ । ‘सपनाको गाडी अब तपाईंकै अगाडि’ भन्ने मूल ट्यागलाइनका साथ बैंकले यो नयाँ स्किम बजारमा ल्याएको हो ।

बैंकहरूबीच अटो लोन प्रवाहमा तीव्र प्रतिस्पर्धा भइरहेका बेला एनआईसी एसियाले ग्राहकको हितलाई ध्यानमा राख्दै वार्षिक जम्मा ५.९९ प्रतिशत ब्याजदरमै अटो लोन उपलब्ध गराउने भएको छ । यस योजनाको सबैभन्दा ठूलो विशेषता भनेको आगामी ७ वर्षसम्म ब्याजदर ५.९९ प्रतिशतमै स्थिर रहनु हो । यसले गर्दा भविष्यमा ब्याजदर बढ्ने वा किस्ता महँगो हुने चिन्ताबाट ग्राहकले पूर्ण रूपमा मुक्ति पाउनेछन् ।

बैंकले बिना कुनै झन्झट, छिटो र सहज प्रक्रियाबाट लोन स्वीकृत गर्ने व्यवस्था मिलाएको छ । यस सुविधाअन्तर्गत निजी, व्यावसायिक तथा वातावरणमैत्री विद्युतीय सवारीसाधन खरिद गर्न चाहने जोकोहीले पनि कर्जा प्राप्त गर्न सक्नेछन् ।

बजारमा अन्य बैंक तथा वित्तीय संस्थाबीच सस्तो ब्याजदरमा अटो लोन दिने होडबाजी चलिरहेका बेला एनआईसी एसिया बैंकको यो स्थिर ब्याजदर योजनाले सवारी खरिदकर्ताहरूलाई ठूलो राहत र प्रोत्साहन मिल्ने देखिन्छ ।