बोल्ड डिजाइन र स्मार्ट इनोभेसनका साथ नेपाली सडकमा बलियो उपस्थिति जनाउँदै फिचर लोडेड नामी भिगो

नेपालको इलेक्ट्रिक सवारी साधन अर्थात ईभी बजारमा नामी भिगो अन्य ब्रान्ड र मोडल भन्दा फरक कदमका साथ प्रस्तुत भएको छ । अन्य प्रशस्तै ब्रान्ड र मोडल रोजाइका उपलब्ध हुँदाहुँदै पनि नेपाल भित्रिएको नामी भिगो धेरैको रोजाइमा परिरहेको छ र यो क्रम अझै जारी छ ।

आधुनिक सवारी चालकहरूको बदलिँदो आवश्यकतालाई ध्यानमा राख्दै नामी भिगो बोल्ड डिजाइन र स्मार्ट इनोभेसनको संयोजनसहित नेपालको ईभी बजारमा प्रवेश गरेको हो । कन्फिडेन्ट च्वाइस र इन्टेलिजेन्ट मोबिलिटीलाई महत्व दिने व्यक्तिहरूका लागि डिजाइन गरिएको भिगोले लाइफस्टाइल–केन्द्रित ईभीको नयाँ दिशा प्रस्तुत गर्छ ।

बोल्ड डिजाइनको पक्षमा, नामी भिगोले दृश्य र कार्यात्मक दुवै हिसाबले बलियो उपस्थिति देखाउँछ। यसको बक्सी एक्सटेरियर डिजाइन, कमान्डिङ रोड प्रिजेन्स, १९० एमएम ग्राउन्ड क्लियरेन्स, आर१८ टायर साइज, प्यानोरामिक सनरुफ तथा विशिष्ट ‘हेभन एन्ड अर्थ’ टेलगेटले नेपालका फरक फरक अवस्थाका सडकहरूमा पनि भिगोलाई अलग पहिचान दिन्छ । बाहिर रहेको एक्सटेरियर स्पिकर र प्रशस्त बुट स्पेसजस्ता लाइफस्टाइल–उन्मुख फिचरहरूले ड्राइभिङपछि पनि अनुभवलाई निरन्तर बनाउँदै यात्राबाहेकका क्षणहरूलाई समेत रमाइलो बनाउँछन् ।

यस बोल्ड चरित्रलाई भिगोको स्मार्ट इनोभेसनले थप सशक्त बनाएको छ, जसले दैनिक ड्राइभिङलाई अझ सहज र प्रभावकारी बनाउँछ। सिंगल चार्जमा ३५० किलोमिटरको रेन्ज दिन सक्ने डब्लुएलटीपी सर्टिफाइड रेन्जले दैनिक आवतजावतको यात्रादेखि लामो दुरीको यात्रासम्मका लागि उपयोगी बनाएको छ । थ्रीसी फास्ट चार्जिङजस्ता सुविधाले छिटो चार्जिङ सम्भव बनाउँछ भने लेभल २ एडास र ३६० डिग्री क्यामेराले सुरक्षा बढाउँदै ड्राइभिङको तनाव कम गर्छ। वायरलेस चार्जिङ, वेलकम र मेमोरी सिट, म्युजिकसँग सिंक गरिएको एम्बियन्ट लाइटिङ तथा ३५ भन्दा बढी स्मार्ट युटिलिटी स्पेसजस्ता सुविधाहरूले दैनिक मोबिलिटीलाई अझ सरल बनाउँछन्।

बोल्ड उपस्थिति र विचारपूर्वक समावेश गरिएको प्रविधिको सन्तुलनमार्फत नामी भिगोले नेपालमा विद्युतीय सवारीसाधनको अर्थ नै पुनःपरिभाषित गर्छ। आत्मविश्वासका साथ फरक देखिन चाहने र दैनिक जीवनमा स्मार्ट, भविष्यतर्फ उन्मुख निर्णय लिन चाहने सवारी चालकहरूका लागि नामी भिगो उपयुक्त विकल्प हुन सक्छ ।

यस्ता छन् नामी भिगोका अन्य फिचर
डोङफेङ नामीको नेपालका लागि आधिकारिक वितरक एमएडब्लू वृद्धि मोटर्सले ‘नामी भिगो’ नेपाली बजारमा उपलब्ध गराइरहेको छ । कम्पनीका अनुसार यो मोडलले बलियो डिजाइन, स्मार्ट विशेषता र उत्कृष्ट प्रदर्शनका साथ नेपालमा मिड–साइज इलेक्ट्रिक एसयूभीको स्तरलाई नयाँ उचाइमा पुर्याउने लक्ष्य राखेको छ ।

नामी भिगोको ‘म्याजिक कर्भ’ डिजाइनले आधुनिक सौन्दर्य र एरोडाइनामिक संरचनाको संयोजन प्रस्तुत गर्दै नामी ब्रान्डको नयाँ डिजाइन पहिचान विकास गरेको कम्पनीले जनाएको छ । यो मोडलमा रहेको ९९ किलोवाट मोटरले शहरदेखि राजमार्गसम्म शक्तिशाली एक्सेलेरेसन र स्मूथ ड्राइभिङ अनुभव प्रदान गर्छ ।

यसमा दुई ब्याट्री विकल्प उपलब्ध छन् । पहिलो ४४.९४ किलोवाट आवर क्षमताको ब्याट्री जसको डब्लुएलटीपी रेन्ज ३०० किलोमिटर छ, र दोस्रो ५१.८७ किलोवाट आवर ब्याट्री जसले ३५० किलोमिटरसम्मको रेन्ज प्रदान गर्छ । यसले १६७ किलोवाट फास्ट चार्जिङ सपोर्ट गर्दछ, जसले ब्याट्रीलाई ३० देखि ८० प्रतिशतसम्म केवल १८ मिनेटमै चार्ज गर्न सक्छ । कम्पनीका अनुसार यसले केही मिनेटमै करिब ११५ किलोमिटर दूरी थपिने सुविधा प्रदान गर्छ ।

सुरक्षाका दृष्टिले पनि नामी भिगो उच्चस्तरको छ । यसमा जिरो फायर–एक्स्प्लोजन परीक्षण पार गरेको ब्याट्री सिस्टम, ६८.४ प्रतिशत उच्च–सामथ्र्यको स्टिल बडी र ६ वटा एअरब्यागहरूको संयोजन गरिएको छ, जसले गाडीलाई सुरक्षित र भरपर्दो बनाएको छ ।

मूल्य
नामी भिगो नेपाली बजारमा दुई भेरिएन्टमा उपलब्ध छ । यसको ई२ भेरिएन्टको मूल्य ३९ लाख ९९ हजार रुपैयाँ र ई२ प्लस भेरिएन्टको मूल्य ४२ लाख ९९ हजार रुपैयाँ तोकिएको छ ।