एलसी खोल्ने कार्यलाई निरन्तरता दिन नाडाको आग्रह

काठमाडौं – नाडाले नेपालमा अटोमोवाइल क्षेत्रको योगदान र यस व्यवसायमा देखा परेका समस्याहरुलाई केलाउदै NADA PERSPECTIVE on Current Scenario- Restriction on Import for Passenger Automobiles सार्वजनिक गरेको छ ।

१ खर्व भन्दा बढीको लगानी रहेको, हरेक बर्ष १ खर्व ५० अर्व भन्दा बढी राजश्वमा योगदान पु¥याउदै आएको, देशको प्रत्यक्ष रोजगारीमा प्रत्यक्ष रुपमा १ लाख र अप्रत्यक्ष रुपमा १० लाख नागरिकलाई रोजगारीको अवसर प्रदान गर्दै आयातको तुलनामा झण्डै दोब्बर राजश्व उपलब्ध गराउने अटोमोवाइल क्षेत्रलाई नजर अन्दाज गरी सरकारले निजी प्रयोजनका कार, जिप र भ्यानलाई आउदो आषाढ मसान्तसम्मको लागि त्यसको आयातमा प्रतिवन्ध समेत लगाएको अवस्थामा यसलाई खुला गर्न नाडाले माग गरेको छ ।

नाडाले केही दिन अघि मात्रै निजी प्रयोजनका कार, जिप र भ्यानको आयात खुल्ला गर्नको लागि अर्थ मन्त्रालयमा विधिवत सुझाव समेत पेश गरिसकेको बताएको छ ।

विभिन्न तथ्य प्रस्तुत गर्दै अटोमोबाइल व्यवसायबाट राष्ट्रले प्रशस्तै फाइदा प्राप्त गरेको र यसबाट अन्य फाइदा समेत हुने भएकाले त्यसै अनुसार प्रस्तुत हुन नाडाले आग्रह गरेको छ ।