मोटरहेड मोटरसाइकलको बढ्यो मूल्य : यस्तो छ नयाँ मूल्य सूची

काठमाडौं – नेपाली बजारमा उपलब्ध मोटरहेड मोटरसाइकलको मूल्य बढेको छ । नेपालका लागि मोटरहेडको आधिकारिक वितरक एसएलआर टेक्नो एन्ड ट्रेडले आजैदेखि लागू हुने गरी नयाँ मूल्य सूची सार्वजनिक गरेको छ ।

नयाँ मूल्यसूची अनुसार स्क्र्याम्बलर २५० को मूल्य ४ लाख ५५ हजार, एमएच १५० को मूल्य ३ लाख १० हजार, एमएच २०० को मूल्य ३ लाख ७५ हजार, स्पोर्ट्स २५० (अफरोड) को मूल्य ३ लाख ७२ हजार, स्पोर्ट्स २५० (रोड) को मूल्य ३ लाख ७५ हजार, टेक्कन २५० को मूल्य ३ लाख ९५ हजार, टेक्कन आर २५० को मूल्य ४ लाख १५ हजार र एक्स टर्क २५० को मूल्य ३ लाख ९० हजार रुपैयाँ मूल्य तोकिएको छ ।

नयाँ मूल्य सूची अनुसार मोटरहेडको पछिल्लो समयमा भित्रिएको र सबैभन्दा धेरै बिक्री हुने मोटरसाइकल एमएच १५० आरको मूल्यमा ५ हजार र टेक्कन २५०आर को मूल्य १० हजार रुपैयाँले बढेको छ ।

नेपाली बजारमा मोटरहेडका मोटरसाइकल पछिल्लो समयमा लोकप्रिय बन्दै गइरहेका छन् । हाल नयाँ वर्षको उपलक्ष्यमा कम्पनीले अफर समेत उपलब्ध गराइरहेको छ ।

नयाँ वर्षको अफर अन्तर्गत मोटरहेडका बाइक खरिद गर्ने आफ्ना सम्पूर्ण ग्राहकहरुको लागि ७ हजार देखि १ लाख रुपैयाँ सम्म स्क्र्याच गरी छुट पाउन सकिने व्यवस्था लागू गरिएको छ । अफर अवधिभर खरिद गर्ने ग्राहकहरु मध्ये १ जना भाग्यशाली विजेतालाई २ लाख ७ हजार ९ सय प्रदान गरिनेछ ।