एमजीको सस्तो इलेक्ट्रिक कार कमेट नयाँ फिचरसहित लन्च

एमजी मोटर्सले भारतको सबैभन्दा सस्तो इलेक्ट्रिक कार एमजी कमेटको नयाँ संस्करण ब्ल्याकस्टोर्म एडिसन लन्च गरेको छ । सो कार नयाँ फिचर र आकर्षक लुक्सका साथ प्रस्तुत गरिएको छ । यसको सुरुवाती मूल्य ७ लाख ८० हजार भारु रहेको छ ।

यसमा १०.२५ इन्चको इन्स्ट्रयुमेन्ट क्लस्टर, टचस्क्रिन इन्फोटेनमेन्ट सिस्टम, ४-स्पिकर साउन्ड सिस्टम, वायरलेस एन्ड्रोइड अटो र एप्पल कारप्ले जस्ता फिचर समावेश गरिएको छ । साथै सेफ्टीका लागि एलईडी हेडलाइट र टेललाइट, रियर पार्किङ क्यामेरा समावेश छ ।

ब्ल्याकस्टोर्म एडिसनमा १७.४ किलोवाट क्षमताको ब्याट्री प्याक रहेको छ, जसले फुल चार्जमा २३० किलोमिटरको रेन्ज प्रदान गर्छ । कम्पनीले एमजी कमेट ब्ल्याकस्टोर्म एडिसनमा ब्याट्री र इलेक्ट्रिक पावरट्रेनका लागि ८ वर्ष वा १ लाख ५० हजार किलोमिटरसम्मको वारेन्टी प्रदान गरेको छ ।

कम्पनीले यसको बुकिङ पनि खुल्ला गरेको छ । यसको लागि ११ हजार भारुमा बुक गर्न सकिन्छ ।