सस्तो र सुलभ स्पेयर पार्ट्स उपलब्ध गराउँदै एमजी मोटर्स नेपाल

काठमाडौँ – एमजी मोटर्सको नेपालका लागि अधिकृत आयातकर्ता तथा वितरक पारामाउन्ट मोटर्स प्रालिले आफ्ना ग्राहकहरूको लागि उत्कृष्ट आफ्टर सेल्स अर्थात बिक्री पछिको सेवा प्रदान गर्ने प्रतिबद्धता पुनः दोहो-याएको छ ।

यसरी कम्पनीले १०० भन्दा बढी स्पेयर पार्ट्सहरूको मूल्य औसत ३० प्रतिशतले घटाएर एमजीका सबै ग्राहकहरूलाई सस्तो र सहज सेवा उपलब्ध गराउने घोषणा गरेको छ।

विश्वास र गुणस्तरमा आधारित ब्रान्डको रूपमा एमजी मोटर्सले आफ्ना ग्राहकहरूको बढ्दो अपेक्षा – सहज र किफायती स्वामित्व अनुभव – पूरा गर्ने प्रयास गर्दै आएको बताएको छ। यसै उद्देश्यका साथ पारामाउन्ट मोटर्सले आफ्नो लजिस्टिक्स प्रक्रिया पुनरावलोकन गरी एमजीको आपूर्ति श्रृंखलासँग समन्वय गरेर खर्च घटाएको र यसको फाइदा सीधा ग्राहकहरूलाई पु-याएको बताएको छ ।

एमजी मोटर्स नेपालले सेवा पहुँचलाई राष्ट्रव्यापी बनाउन निरन्तर लगानी गर्दै आएको छ। काठमाडौँ उपत्यकामा ३ वटा पूर्ण–सुविधायुक्त सर्भिस सेन्टर र देशभर फैलिएको डिलरशिप नेटवर्कमा १२ भन्दा बढी अतिरिक्त सर्भिस सेन्टरको साथ कम्पनीले ग्राहकहरूलाई अद्वितीय सहजता र सहयोग प्रदान गर्दै आएको बताएको छ।

एमजी मोटर्सको भनाइ अनुसार कम्पनीले ग्राहकहरूको विश्वासले नै आफ्नो निर्णयहरूलाई मार्गदर्शन गर्छ । कम्पनीले स्पेयर पाट्र्सको मूल्य घटाउनु र सेवा पहुँच विस्तार गर्नु केवल ग्राहकहरूको अपेक्षा पूरा गर्ने मात्र होइन, तर यसलाई अझै बढाउने प्रयास हो। यो केवल सुरुवात भएको र अझै थप लागत घटाएर स्पेयर पाट्र्सको मूल्यमा संशोधन गर्न निरन्तर प्रयासरत भएको समेत कम्पनीले जानकारी दिएको छ ।

एमजी मोटर्स नेपालले अत्याधुनिक प्रविधि र विश्वसनीयतालाई संयोजन गर्दै ग्राहकहरूको हरेक यात्रालाई सहज सेवा र उत्कृष्ट मूल्य प्रदान गर्न प्रतिबद्ध भएको बताएको छ।