होन्डाको पहिलो इलेक्ट्रिक एसयूभीको नाम होन्डा अल्फा, भारतमा उत्पादन हुने
होन्डाले आफ्नो पहिलो मिड साइज इलेक्ट्रिक एसयूभीको नाम सार्वजनिक गरेको छ।...
काठमाडौं–चिनियाँ अटो निर्माता जिलीले नयाँ प्लग–इन हाइब्रिड अफरोड एसयूभी ब्याटलशिप ७०० सार्वजनिक गरेको छ ।
चीनमा अक्टोबर १० मा सार्वजनिक गरिएको यो एसयूभीले १२ मिनेटमै १० हजारभन्दा बढी अर्डर प्राप्त गरेको कम्पनीको दाबी छ । यसले बीवाडीको फेङचेङबाओ टीआई७ लगायतका मोडलसँग प्रतिस्पर्धा गर्नेछ ।
जिली ग्यालेक्सि ब्रान्डअन्तर्गत ल्याइएको ब्याटलशिप ७०० मा १.५ लिटर टर्बो पेट्रोल र २.० लिटर टर्बो पेट्रोल इन्जिनका विकल्प उपलब्ध गराइएको छ । भेरियन्टअनुसार यसले ४६९ देखि १ हजार ११४ हर्सपावरसम्मको संयुक्त शक्ति उत्पादन गर्छ । सबैभन्दा शक्तिशाली संस्करणले शून्यदेखि १०० किलोमिटर प्रतिघण्टाको गति ३.९५ सेकेन्डमा हासिल गर्न सक्ने दाबी गरिएको छ ।
यसमा ४७.१४ किलोवाट आवर क्षमताको एलएफपी ब्याट्री उपलब्ध छ । कम्पनीका अनुसार यसको अधिकतम विद्युतीय रेन्ज ३०५ किलोमिटर र पेट्रोल तथा विद्युतीय शक्तिको संयुक्त रेन्ज १ हजार ७७० किलोमिटरसम्म छ ।
अफरोड यात्रालाई ध्यानमा राखेर तयार गरिएको यो एसयूभीमा अल ह्विल ड्राइभ, एयर सस्पेन्सन र निरन्तर समायोजन गर्न सकिने ड्याम्पिङ प्रणाली उपलब्ध छन् । यसले अधिकतम ८०० मिलिमिटर गहिराइसम्मको पानी पार गर्न सक्ने कम्पनीको दाबी छ ।
गाडीको इन्टेरियरमा पाँचवटा स्क्रिन, १५.४ इन्चको २के सेन्ट्रल डिस्प्ले, यात्रुका लागि छुट्टै स्क्रिन, मसाजयुक्त सिट र १८.५ लिटर क्षमताको फ्रिजजस्ता सुविधा छन् ।
चीनमा यसको सुरुवाती मूल्य १ लाख ७९ हजार ८०० देखि ३ लाख ६९ हजार ८०० युआनसम्म तोकिएको छ । शक्तिशाली हाइब्रिड प्रणाली, लामो रेन्ज र आधुनिक सुविधाका कारण ब्याटलशिप ७०० ले चिनियाँ एसयूभी बजारमा प्रतिस्पर्धा थप तीव्र बनाउने अपेक्षा गरिएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...