सस्तो भएर आयो एमजी कमेट २ र जेडएस ईभी, प्रति किलोमिटरको हिसाबले रकम तिर्नुपर्ने

एमजी मोटर्स इन्डियाले भारतीय ईभी लाईनअप अपडेट गरेको छ। कम्पनीले आफ्नो नयाँ ब्याट्री 'ब्याट्री एज ए सर्भिस' (बीएएएस) सँगै एमजी कमेट र जेडएस ईभी लन्च गरेको छ ।

हाल सो सँगै दुवै इलेक्ट्रिक कारको मूल्य पहिले भन्दा सस्तो भएको छ । कम्पनीले ब्याट्री एज ए सर्भिस अन्तर्गत भारतमा पहिलो विद्युतीय क्रसओभर युटिलिटी भेइकल एमजी विन्डसर लन्च गरेको थियो । कम्पनीले बीएएएस कार्यक्रमसँगै सो दुबै मोडलमा ६० प्रतिशत बाइब्याक ग्यारेन्टी दिने पनि घोषणा गरेको छ ।

एमजी मोटर इन्डियाको पहिलो क्रसओभर युटिलिटी भेइकल विन्डसर ९ लाख ९९ हजार भारु मूल्यमा लन्च गरेको हो । यसमा ३८ किलोवाट लिथियम आयन ब्याट्री प्याक जडान गरिएको छ, जसले १३६ पीएसको पावर र २०० एनएमको टर्क जेनेरेट गर्छ । सो कार फुल चार्जमा ३३१ किलोमिटरको रेन्ज प्रदान गर्छ ।

ब्याट्री एज ए सर्भिस ब्याट्री रेन्टल प्रोग्राम हो । यसअन्तर्गत इलेक्ट्रिक कार खरिद गर्दा ब्याट्री प्याकको मूल्य समावेश गरिएको हुँदैन । यसको सट्टा ब्याट्रीको उपयोग अनुसार चार्ज गरिन्छ । अर्थात् ब्याट्रीको लागत कारले तय गरेको किलोमिटर अनुसार भाडा शुल्क लिइन्छ, जहाँ यसलाई प्रत्येक महिना ईएमआईको रूपमा तिर्नुपर्नेछ साथै ब्याट्री चार्ज गर्नको लागि पनि छुट्टै भुत्तानी तिर्नुपर्ने हुन्छ ।

कम्पनीले एमजी कमेट ईभी ब्याट्री एज ए सर्भिस कार्यक्रम अन्तर्गत प्रति किलोमिटर २.५ भारु ब्याट्री भाडामा पेश गरेको छ। अर्थात् १०० किलोमिटरसम्म कार चलाएपछि ब्याट्री भाडाबापत कम्पनीलाई २५० रुपैयाँ तिर्नुपर्नेछ ।

कमेट ईभीको इलेक्ट्रिक पावरट्रेनमा भने कुनै परिवर्तन गरिएको छैन । यसमा १७.३ किलोवाट लिथियम आयन ब्याट्री छ, जसले फुल चार्जमा २३० किलोमिटरको रेन्ज दिन्छ । कारमा रियर ह्विल ड्राइभ परमानेन्ट म्याग्नेट सिंक्रोनस मोटर छ, जसले ४० एचपी पावर र ११० एनएमको टर्क जेनेरेट गर्छ ।

ब्याट्री एज ए सर्भिस कार्यक्रम अन्तर्गत एमजी जेडएस ईभी प्रति किलोमिटर ४.५ भारु ब्याट्री भाडामा पेश गरेको छ। अर्थात् १०० किलोमिटरसम्म कार चलाएपछि ब्याट्री भाडाबापत कम्पनीलाई ४५० रुपैयाँ तिर्नुपर्नेछ ।

कम्पनीले एमजी जेडएस ईभीको इलेक्ट्रिक पावरट्रेनमा पनि कुनै परिवर्तन गरेको छैन । यसमा ५०.३ किलोवाटको लिथियम आयन ब्याट्री प्याक छ, जसले फुल चार्जमा ४६१ किलोमिटरको रेन्ज दिन्छ । कारमा फ्रन्ट ह्विल ड्राइभ परमानेन्ट म्याग्नेट सिंक्रोनस मोटर छ, जसले १७७ एचपीको पावर र २०० एनएमको टर्क जेनेरेट गर्छ ।