एमजी ईएस५ को बिक्री शुरु, चीनमा १४ हजार डलरमै किन्न पाइने

एमजीले आफ्नो नयाँ इलेक्ट्रिक क्रसओभर ईएस५ को बिक्री शुरु गरेको छ । सुरुवाती मूल्य १६ हजार ९०० डलर निर्धारण गरेर बिक्री थालिएको यसको मुल्य चिनियाँ बजारमा भने १३ हजार ९५० डलर पर्ने जनाइएको छ । चीन सरकारले उपलब्ध गराउँदै आएको सहुलियत र नगद छुटपछि ईएस५ को मूल्य १४ हजार डलरभन्दा कम पर्न गएको हो ।

४०.१ र ६२.२ किलोवाट आवरको ब्याट्री प्याकमा उपलब्ध ईएस५ मा १२५ किलोवाट क्षमताको मोटर जडान गरिएको छ । यो ईभीले सिंगल चार्जमा ५२५ किलोमिटरसम्म रेन्ज दिने दावी गरिएको छ । सो नयाँ ईभीमा एमजीले आफ्नो लेटेष्ट डिजाइन ल्यांग्वेज प्रयोग गरेको छ ।

निकै नै सार्प डिजाइनमा तयार पारिएको एमजी ईएस५ मा १५.६ इन्चको फ्लोटिङ स्क्रिन, १०.२५ इन्चको एलईडी इन्स्ट्रयुमेन्ट क्लस्टर, डि आकारको थ्री स्पोक स्टेरिङ ह्विल र ह्विलसंगै गियर सिफ्टर माउन्टेड दिएको छ । कारम वायरलेस चार्जिङ प्याड र ६ वटासम्म स्पिकर तथा थुप्रै सेफ्टि फिचर दिइएको छ ।

एमजीको सो नयाँ ईभी छिट्टै नेपाली बजारमा समेत आउने अनुमान गर्न सकिन्छ । ईएस५ ले हाल उपलब्ध जेडएस ईभीलाई प्रतिस्थापन गर्ने कम्पनी भनाई छ ।