यी हुन् २ करोड २९ लाख मूल्यको बीएमडव्लू आईएक्स–३ मा उपलब्ध प्रमुख फिचर

जर्मन अटो निर्माता बीएमडव्लूले निर्माण गरेको प्रिमियम इलेक्ट्रि एसएभी(स्पोर्ट एक्टिभीटी भेइकल) आईएक्स–३ सम्भवत नेपाली बजारमा उपलब्ध हालसम्मकै सवैभन्दा महंगो ईभी हो । सो नयाँ ईभीलाई आधिकारिक विक्रेता लक्ष्मी प्रिमियमले नेपाल भित्र्याएपछि अहिले प्रिमियम ईभी पारखीमाझ चर्चाको विषय वनिरहेको छ । आईएक्स–३ लाई कम्पनीले २ कारोड २९ लाख रुपैयाँमा बिक्री गर्ने वताएको छ ।

स्पोर्टी लुक्स, एरोडाइनामिक डिजाइन र अत्याधुनिक फिचर र एवं विशेषताले सुसज्जित सो नयाँ एसएभीमा बीएमडव्लूलले ८० किलोवाट आवर क्षमतको उच्च भोल्टेजयुक्त ब्याट्री र २१० किलोवाटको इलेक्ट्रिक मोटर जडान गरेको छ । यसमा जडान गरेको मोटरले २८६ पीएस पावर र ४०० एनएम टर्क जेनेरेट गर्ने सामाथ्र्य राख्दछ भने ब्याट्रीलाई एकपटक फुल चार्ज गरेपछि ४६० किलोमिटर रेन्ज पाउन सकिने दावी गरिएको छ ।

ठूलो आकारको ब्याट्री र उच्च क्षमताको मोटर जडान गरिएको कारण यसले दिने पर्फमेन्स कुनै स्पोर्ट कारले दिनेभन्दा कम नरहने देखिन्छ । सो नयाँ एसएभीलाई १८० किलोमिटर प्रतिघन्टाको उच्च गतीमा हाँक्न सकिन्छ । आईएक्स–३ को ब्याट्रीलाई ११ किलोवाटको एसी वाल चार्जरले ७.५ घन्टामा फुल चार्ज गर्न सकिन्छ ।

अटोमेटिक ट्रान्समिसन दिइएको सो एसएभीमा रियर ह्विल ड्राइभ सिस्टम पाउन सकिन्छ । आईएक्स–३ को ग्राउन्ड क्लिरियन्स १९० एमएम रहेको छ । जुन नेपालको सवै प्रकारका सडकको लागी उपयुक्त नहुनसक्छ । यसको स्टोरेज क्षमता ५१० लिटर रहेको छ भने पछाडीको सीट रोलाई फोल्ड गरेर उक्त स्टोरेजलाई १५६० लिटरसम्म पुर्याउन सकिन्छ ।

बीएमडव्लूको सो एसएभीमा एडप्टिभ एलइडी हेड ल्याम्प, १२.३ इन्चको डिजिटल इन्स्ट्रयुमेन्ट क्लस्टर र सोही आकारको अर्को इन्फोटेन्ेमैन्ट सिस्टम, १६–स्पिकर हर्मन कार्डोन सराउन्ड साउन्ड सेटअप, एडप्टिभ सस्पेन्सन सिस्टम, ब्रेक इनर्जी रिजेनेरेशन, इन्टेलिजेन्ट ड्राइभिङ एसिस्टेन्स सिस्टम र इन्टेलिजेन्ट पार्किङ सिस्टम लगायत अत्याधुनिक एवं सुविधासम्पन्न फिचर पाउन सकिन्छ ।