४५० किलोमिटर भन्दा बढीको रेन्ज दिने  महिन्द्रा एक्सयूभी.ई८ चाँडै लन्च हुने

महिन्द्राले आफ्नो बहुप्रतिक्षित एसयूभी एक्सयूभी.ई८ यस वर्षको अन्त्य सम्ममा लन्च गर्ने सम्भावना छ । सो एसयूभीको परीक्षण प्रोटोटाइप धेरै पटक देखिएको छ ।

रिपोर्टका अनुसार महिन्द्रा एक्सयूभी.ई८ को डिजाइनमा एक्सयूभी७०० जस्तै टेलगेट र एलईडी टेलल्याम्प समावेश गर्नेछ । यसको इन्टेरियरमा इन्फोटेनमेन्टका लागि सेन्ट्रल टचस्क्रिनसहित ट्रिपल स्क्रिन कन्फिगरेसन, डिजिटल इन्स्ट्रयुमेन्ट क्लस्टर र अगाडिको यात्रुका लागि अतिरिक्त स्क्रिन समावेश गर्नेछ ।

महिन्द्राले एक्सयूभी.ई८ मा ८० किलोवाटको ब्याट्री प्याक जडान गरेको छ जसले फूल चार्जमा ४५० किलोमिटर भन्दा बढीको रेन्ज दिने कम्पनीको दाबी छ ।

महिन्द्रा एक्सयूभी.ई८ को लन्चिङ पछि यसले आगामी हुन्डाई क्रेटा ईभी, मारुती सुजुकी ईभीएक्स र टोयोटा तथा सिट्रोन ईभीसँग प्रतिस्पर्धा गर्नेछ । यद्यपि एक्सयूभी.ई८ को प्रत्यक्ष प्रतिस्पर्धा टाटा ह्यारियर ईभीसँग हुनेछ ।