भारतमा बनेको मर्सिडिज बेन्ज एस–क्लास ५ दिनपछि सार्बजनिक हुने

एक बर्ष अघि भारत भित्रिएको मर्सिडिज बेन्जको एस–क्लास सेडान अन्तत भारतमै उत्पादन भई लन्च हुने तयारीमा छ । यो कारलाई अबको ५ दिनपछि अर्थात अक्टोबर ७ मा लन्च गर्न लागिएको हो । भारतमै एसेम्बल गरिएको एस क्लासमा यसअघि आयत गरेर ल्याइएको कारकै हाराहारीमा फिचर्स दिइएको छ ।

यसको मूल्य आयतित कारको तुलनामा ४० लाख भारतीय रुपैयाँसम्मले सस्तो पर्नसक्ने बताइएको छ । आयतित कारको २ करोड १९ लाख भारतीय रुपैयाँमा कारोबार भैरहेको छ ।

यो कारमा १२ं.८ इन्चको टचस्क्रिन इन्फोटेन्मेन्ट सिस्टम, १२ं.३ इन्चको डिजिटल इन्स्ट्रुमेन्ट डिस्प्ले, एम्वियन्ट लाइटिङ, अटोमेटिक क्लाइमेट कन्ट्रोल र इलेक्ट्रिकल्ली एड्जस्टेबल फ्रन्ट सिटजस्ता फिचर्स उपलब्ध हुनेछन् । ४डी सराउन्ड साउन्ड र रियर सिट इन्टरटेन्मेन्ट टचस्क्रिन भने सबै भेरियन्टमा उपलब्ध नहुने बताइएको छ । यो ३ हजार सिसी क्षमतामा डिजेल र पेट्रोल दुबै इन्जिन अप्सनमा उपलब्ध हुनेछ ।