एक यूनिट इभीमै फोर्डलाई ५८ हजार वढी डलर नोक्सान, यस्तो छ कारण

अमेरीकन अटो निर्माता फोर्डको इभी यूनिट पुरै घाटामा संचालन भएको विवरण सार्वजनिक भएको छ । २०२३ को पहिलो त्रैमासको वित्तिय विवरण सार्वजनिक गर्दै कम्पनीले इभी अपरेसनमा ठूलो नेक्सानी वेहोर्नुपरेको वताएको हो । इभी यूनिट नोक्सानमा गएपनि कम्वसन इन्जिनयूक्त प्यासेन्जर कार र कमर्सियल भेइकल यूनिट भने नाफामै रहेको जनाइएको छ ।

कम्पनीले सार्वजनिक गरेको वित्तिय विवरण अनुसार यो वर्षको पहिलो तीन महिनामा कम्पनीले जम्मा १२ हजार इभी उत्पादन गरेको छ भने यसमा कुल ७०० मिलियन डलर नोक्सान भएको छ । जुन प्रति यूनिट ५८ हजार ३३३ डलर हुन आउँछ । यो वर्ष इभी अपरेसनमा कम्पनीको नोक्सान ३ अर्व डलर पुग्ने आँकलन गरिएको छ ।

इभी यूनिटमा नोक्सन हुनुको कारण उत्पादन कटौती र मेक्सिकोमा संचलान हुने भनिएको युनिटमा ढिलाई हुनु प्रमुखक कारण रहेको फोर्डको भनाई छ । सो नयाँ प्लान्टबाट फोर्डले ठुलो भोल्यूममा मुस्टाङ म्याक–ई उत्पादन गर्ने तयारी गरिरहेको छ । मेक्सिकोको सो प्लान्टले वर्षमा २ लाख ५० हजार यूनिट कार उत्पाद गर्ने क्षमता राख्छ ।

इभी उत्पादनमा आक्रमक वन्ने रणनिती अनुसार फोर्डले अमेरीकामा ब्याट्री प्लान्टका लागी ३.५ अर्व डलर लगानी गर्ने घोषणा गरेको छ । साथै उसले सन २०२५ देखी वार्षिक ५ लाख युनिट नेक्स्ट जेन इलेक्ट्रिक ट्रक उत्पादन गर्ने योजना बनाएको छ ।