हुन्डाई क्रेटा इलेक्ट्रिकसँग प्रतिस्पर्धा गर्न कियाले २०२५ सम्ममा सस्तो ई–कार ल्याउँदै

सेल्टोस, कार्निभल र सोनेट जस्ता उत्कृष्ट कारको सफलता पछि कियाले अब आफ्नो लाइनअपमा इलेक्ट्रिक कार ल्याउने तयारी गरिरहेको छ । कम्पनीले हाल मेड इन इन्डिया कारको अवधारणामा पूर्ण रूपमा काम गरिरहेको छ । रिपोर्टका अनुसार कम्पनीले सन् २०२५ सम्ममा इलेक्ट्रिक कार लन्च गर्ने भएको छ ।

कम्पनीले इलेक्ट्रिक कार पछि एसयूभी र एमपीभीको मिश्रण कार पनि ल्याउने तयारी गरिरहेको छ । कम्पनीका अनुसार विद्युतीय कारसँगै नयाँ मोडल पनि भारतमा नै विकास गरिने छ । यो पूर्णतया स्थानीय स्तरमा बनेको र आरभी बडी प्रकारको हुने कम्पनीले बताएको छ ।

किया विद्युतीय कारको बजारमा प्रवेश गरेपछि यसको प्रत्यक्ष प्रतिस्पर्धा हुन्डाई क्रेटा ईभीसँग हुने अनुमान गरिएको छ । हुन्डाईले पनि चाँडै नै भारतीय बजारमा लोकप्रिय एसयूभी क्रेटाको इलेक्ट्रिक भेरिएन्ट लन्च गर्न लागेको छ । यी दुवै कारले विद्यमान सवारीसाधनका लागि ठूलो चुनौती खडा गर्नेछ ।

कियाले अगस्टको अन्त्यसम्ममा सेल्टोस फेसलिफ्ट मोडल बजारमा ल्याउने बताइएको छ । कम्पनीले कारमा धेरै सेफ्टी फिचरका साथै अन्य स्पेसिफिकेशन पनि राखेको छ । सेल्टोसमा अटोमेटिक इमर्जेन्सी ब्रेकिङ, ब्लाइन्ड स्पट मोनिटरिङ, एडेप्टिभ क्रुज कन्ट्रोल, लेन असिस्ट जस्ता फिचर पनि देख्न सकिनेछ ।