थप सुरक्षित बनेर आयो इसुजु भी–क्रसको २०२४ मोडल

इसुजुले भारतमा २०२४ भी–क्रस पिकअप ट्रक लन्च गरेको छ । अपडेट गरिएको मोडलको मूल्य २१ लाख २० हजार भारु राखिएको छ ।

सो अपडेटेड मोडलमा इसुजुले धेरै परिवर्तनहरू गरेको छ । पिकअप ट्रकमा नयाँ फ्रन्ट बम्पर गार्ड, इन्जिन हुड गार्निस, रियर कम्बो ल्याम्प गार्निस, फेन्डर लिप्स र ब्ल्याक अलोय ह्वील दिइएको छ ।

पुरानो मोडलको तुलनामा धेरै सेफ्टि फिचर दिइएको सो पिकअपमा ट्रयाक्सन कन्ट्रोल, इलेक्ट्रोनिक स्ट्याबिलिटी कन्ट्रोल, हिल डिसेन्ट कन्ट्रोल र हिल स्टार्ट असिस्ट सुविधा रहेको छ । साथै यसमा पछाडिको सिट डिटेक्ट गर्ने सेन्सरहरू पनि राखिएको छ, जुन तीनवटै सिटमा वेल्ट वार्निङ इन्डिकेटर सहित आउँछ ।

नयाँ भी–क्रसमा १.० लिटर, ४–सिलिन्डर डिजेल इन्जिन जडान गरिएको छ, जसले १६३ बिएचपी पावर र ३६० एनएम टर्क दिन्छ । फोर ह्विल ड्राइभ सिस्टममा समेत उपलब्ध सो पिकअप ६ स्पिड म्यानुअल र टर्क कन्भटर अटोमेटिक अप्सनमा उपलब्ध छ ।