टाटा र जीपपछि हुन्डाईले पनि लन्च गर्यो क्रेटाको ‘नाइट एडिसन’

भारतमा अटो निर्माताविच स्पेल एडिसनका सवारीसाधन उत्पादन गर्ने ट्रेन्ड बढिरहेको छ । टाटा मोटर्सले सफारी, एच५ र नेक्सनको नाइट एडिसन लन्च गरेपछि शुरु भएको यो दौडमा पछि जीप समेत सामेल भएको थियो । जीपले कम्पासलाई नाइट इगल एडिसनमा लन्च गरेको केही समयपछि अर्को कोरियन अटो निर्माता हुन्डाइले पनि आफ्नो लोकप्रिय एसयुभी क्रेटालाई सोही एडिसनमा लन्च गरेको छ ।

कालो कलर थिममा डिजाइन गरी लन्च गरिएको क्रेटाको यो नाइट एडिसनलाई १.५ लिटर डिजेल र पेट्रोल दुवै इन्जिन अप्सनमा उपलब्ध गराइएको छ । यो एसयुभी नयाँ मिड स्पेक एस प्लस र टप स्पेक एसएक्स(ओ) ट्रिममा उपलब्ध रहेको छ ।

ग्रिलको विच भागमा रातो धर्सा सहित चम्किलो कालो कलर दिइएको यो एसयुभीको अगाडी र पछाडीको दुबै स्किड प्लेट समेत कालो नै रहेको छ । यसको फ्रन्ट ब्रेक क्यालिपरमा भने रातो कलर दिइएको छ । विंग मिरर, रुफ रेल्स, साइड सिल्स र सी–पिल्लरलरमा समेत कालो कलर दिइएको छ ।

क्याविन भित्र एसि भेन्ट वाहेक अन्य सबै क्षेत्रमा कालो कलरलाई आकर्षक तवरबाट समायोजन गरिएको छ । एसी भेन्टमा भने रातो कलर दिइएको छ । यो म्यनुअल र अटोमेटिक दुबै भेरियन्टमा उपलब्ध रहेको छ । जसमध्ये म्यानुअलको मूल्य १३ लाख ३५ हजारदेखी १४ लाख ३१ हजार भारुसम्म र अटोमेटिकको १७ लाख ५ हजारदेखी १८ लाख १ हजार भारुसम्म निर्धारण गरिएको छ ।