हुन्डाई क्रेटासँग प्रतिस्पर्धा गर्न होन्डाले ल्याउदै नयाँ एसयूभी

होन्डाले फेस्टिभ सिजनमा नयाँ मिड साइज एसयूभी लन्च गर्नेछ ।

यसलाई नयाँ होन्डा एलिभेट नाम दिने अनुमान छ । सो एसयूभी धेरै पटक परीक्षण गरिरहेको देखिएको छ । नयाँ होन्डा एसयूभीको स्टाइल सीआरभी र एचआरभीबाट प्रेरित हुनेछ ।

नयाँ होन्डा एसयूभी सिटी प्लेटफर्ममा डिजाइन र विकास गरिनेछ । सो एसयूभी पेट्रोल र हाइब्रिड पावरट्रेन दुबैमा उपयुक्त हुनेछ । यसमा म्यानुअल र सीभीटी दुबै अटोमेटिक गियरबक्सको विकल्प हुनेछ ।

नयाँ एसयूभीमा १.० लिटर ३ सिलिन्डर टर्बोचार्ज्ड पेट्रोल इन्जिन हुनेछ । यो इन्जिनले ५५०० आरपीएममा १२० बीएचपी र २०००–४५०० आरपीएममा १७३ एनएमको टर्क जेनेरेट गर्न सक्षम हुनेछ । सो पावरट्रेनलाई ७ स्पिड कन्टिन्युअली भेरिएबल ट्रान्समिसन वा सीभीटीसँग जोडिनेछ ।