होन्डाले ल्यायो एक्टिभा र एसपी १२५ को २५ औं एनिभर्सरी एडिसन

होन्डा मोटरसाइकल एण्ड स्कूटर इन्डियाले एक्टिभा ११०, एक्टिभा १२५ र साइन एसपी १२५ को २५ औं वार्षिकोत्सव संस्करण लन्च गरेको छ ।

एक्टिभा ११० र एक्टिभा १२५ दुबै स्कुटर विशेष ग्राफिक्स, कालो क्रोम ट्रिम र पाइराइट ब्राउन मेटालिक अलोय ह्वीलका साथ आएको हो । पर्ल साइरन ब्लू र म्याट स्टील ब्ल्याक मेटालिक कालो वा क्याफे–ब्राउन सिट दिइएको यी स्कुटरमो मूल्य क्रमशः रु ९२ हजार ५६५ र रु ९७ हजार २७० भारु राखिएको छ ।

यी स्कुटरको इन्जिन र मेकानिकल पक्षमा कुनै परिवर्तन गरिएको छैन । जसअनुसार एक्टिभा ११० मा उहि पुरानै, १०९.५१ सीसी, सिंगल–सिलिन्डर इन्जिन जडान गरिएको छ भने, एक्टिभा १२५ मा १२३.९२ सीसी सिंगल–सिलिन्डर युनिट राखिएको छ ।

त्यसैगरी अर्को नयाँ संस्करण साइन एसपी १२५ मा पनि केही कम्मेटिक अपडेट बाहेक इन्जिन र फिचरमा कुनै परिवर्तन गरिएको छैन । बाइकमा विशेष ग्राफिक्स र पाइराइट ब्राउन मेटालिक अलोय ह्वील राखिएको छ ।

यो १२३.९४ सीसी, सिंगल–सिलिन्डर, एयर–कूल्ड इन्जिन जडान गरिएको यस मोटरसाइकलको मूल्य १ लाख २ हजार भारु निर्धारुण गरिएको छ ।