नेपालका बाढी प्रभावितका लागि होन्डाको १ लाख अमेरिकी डलर सहयोग

काठमाडौं - नेपालमा भदाै १० मा आएको विनाशकारी बाढीबाट प्रभावित परिवार तथा समुदायको राहत र पुनर्स्थापनाका लागि होन्डाले १ लाख अमेरिकी डलर सहयोग गरेको छ।

होन्डाले उक्त रकम प्रधानमन्त्री दैवी प्रकोप उद्धार कोषमा जम्मा गरेको हो। होन्डाको एसिया तथा ओसियाना क्षेत्रीय मुख्यालय एसियन होन्डा मोटर कम्पनी लिमिटेडले थाइ रेडक्रस सोसाइटीमार्फत उक्त सहयोग उपलब्ध गराएको जनाएको छ।

बाढीबाट प्रभावित परिवार तथा समुदायप्रति गहिरो समवेदना व्यक्त गर्दै होन्डाले उनीहरूको शीघ्र पुनर्स्थापनाको कामना गरेको छ।