हिरो एक्सपल्स २००टी अब नयाँ फोरभी इन्जिनमा

हिरोले भारतमा एक्सपल्स २००टी फोरभी लन्च गरेको छ । एक्सपल्स २००टी फोरभीमा एड्भान्स ४ भल्व इन्जिन समावेश छ । यसको मूल्य टुभी मोडल भन्दा ११ सय भारु बढी छ । यो ३ रङमा उपलब्ध छ ।

एक्सपल्स २००टी फोरभी मा १९९.६ सीसी एयर एन्ड आयल कुल्ड इन्जिन जडान गरिएको छ । जसले ८५०० आरपीएममा १९.१ बीएचपीको पावर र ६५०० आरपीएममा १७.३ एनएमको टर्क जेनेरेट गर्छ । यसलाई ५ स्पिड गियरबक्ससँग जोडिएको छ ।

एक्सपल्स २००टी फोरभी मा ३७ एमएम टेलिस्कोपिक फोर्क र रियरमा ७ स्टेप एडजस्टेबल मोनोशक दिइएको छ । ब्रेकिङको लागि फ्रन्टमा २७६ एमएम डिस्क र रियरमा २२० एमएम डिस्क ब्रेक दिइएको छ, जसलाई सिंगल च्यानल एबीएससँग जोडिएको छ ।

सो स्कुटरमा १७ इन्च कास्ट अलोय ह्विल समावेश गरिएको छ । एक्सपल्स २००टी फोरभीको डिजाइन एक्सपल्स २००टी टुभी भन्दा धेरै फरक छ ।

सो बाइक ब्लुटुथ डिजिटल एलसीडी क्लस्टरसँग सुसज्जित छ जसले नेभिगेसन र नोटिफिकेशन अलर्ट, यूएसबी चार्जर, साइड स्ट्यान्ड कटअफ र गियर इन्डिकेटर जस्ता फिचर समावेश छ ।