हिरोले ल्यायो कर्नरिङ लाइट सहित नयाँ मोडलको स्कुटर ‘जुम’

हिरो मोटोकर्पले जुम स्कुटर लन्च गरेको छ । सो स्कुटरमा कर्नरिङ लाइट जडान गरिएको छ, जसले सडकको दायाँ र बायाँ पनि उज्यालो बनाउँछ । यसले रातको समयमा यात्रा गर्दा अझ बढी सुरक्षित हुनेछ । यद्यपि सो लाइट टप भेरिएन्ट जेडएसमा मात्र उपलब्ध हुनेछ ।

हिरो जुमलाई ५ रङमा प्रस्तुत गरिएको छ । यसमा डिजिटल इन्स्ट्रयुमेन्ट क्लस्टर, ब्लुटुथ कनेक्टिभिटीसहित १२ इन्च अलोय ह्विल छ । यसको डिजिटल डिस्प्ले ब्लुटुथ मार्फत स्मार्टफोनमा जडान गर्न सकिन्छ । स्कुटरमा पेट्रोल कम छ भने लो फ्युल इन्डिकेटर पनि उपलब्ध छ । स्कुटरमा फोन चार्ज पनि गर्न सकिन्छ ।

हिरो जुम शार्प र स्क्ल्प्टेड डिजाइनमा उपलब्ध छ । यसमा एलईडी हेडलाइट र एक्स आकारको एलईडी डेटाइम रनिङ लाइट उपलब्ध छ । स्कुटरको फ्रन्ट एप्रन एंगुलर छ र ह्यान्डलबार काउलिङमा टर्न इन्डिकेटर छ । स्कुटरमा अग्लो र चौडा टायर दिइएको छ ।

सो स्कुटरमा ११०.९ सीसी सिंगल सिलिन्डर, एयर कुल्ड एफआई इन्जिन जडान गरिएको छ । जसले ८.०५ बीएचपीको पावर र ८.७ एनएमको टर्क जेनेरेट गर्छ । यसमा हिरो मोटोकर्पको आई३एस प्रविधि पनि जडान गरिएको छ ।

हिरो जुम स्कुटरले टीभीएस जुपिटर र होन्डा एक्टिभा स्मार्टसँग प्रतिस्पर्धा गर्नेछ ।