हिरो एक्सिट्रम २५० आर र एक्सपल्स २१० को बुकिङ खुला

हिरो मोटोकर्पले भारतमा एक्ट्रिम २५० आर र एक्सपल्स २१० को लागि बुकिङ खुला गरेको छ । ग्राहकले १० हजार भारु टोकन रकम तिरेर आफ्नो अर्डर गर्न सक्ने जनाइएको छ । यी मोटरसाइकलको मूल्य क्रमशः १ लाख ८० हजार र १ लाख ७६ हजार भारु निर्धारण गरिएको छ ।

हिरो ह्तचझभ २५० आरमा २५० सिसी, सिंगल–सिलिन्डर लिक्विड–कूल्ड इन्जिन जडान गरिएको छ । जसले, २९.५ बिएचपी र २५ एनएम टर्क जेनेरेट गर्दछ । यसले केटिएम २५० ड्यूकसंग प्रतिस्पर्धा गर्ने बताइएको छ ।

सो नयाँ बाइकमा गोल्डन रंगमा फिनिश गरिएको ४३ मिमी अपसाइड–डाउन फोर्क र एड्जस्टेवल रियर मोनो–शक राखिएको छ । स्विचेवल डुअल च्यानल एबिएस लगाइएको यस मोटरसाइकलको दुबै चक्कामा सिंगल पेटल–टाइप डिस्क ब्रेक जडान गरिएको छ ।

यसैगरी, एक्सपल्स २१०मा २१० सिसी, ४–भल्भ सिंगल–सिलिन्डर इन्जिन प्रयोग गरिएको छ, जसले २४.६ बीएचपी र २०.७ एनएम टर्क जेनेरेट गर्दछ ।

एक्सपल्स २१० मा हिरोले उहि पुरानै टेलिस्कोपिक फोर्क र मोनो–शक रियर सस्पेन्सनमा दिएको छ । यसमा डुअल–च्यानल एबीएस सहित दुबै चक्कामा डिस्क ब्रेक राखिएको छ ।

भारतमा बिक्री शुरु भएपछि यी नयाँ मोटरसाइकल नेपाली बजारमा समेत उपलब्ध हुनेछन् । नेपालमा हिरोको उत्पादन सिजी मोटर्सले उपलब्ध गराउँदै आएको छ ।