बजाज चेतकको ‘फेस्टिभ फाइभ’ अफर, १ लाखसम्म क्यासब्याकदेखि ५ वर्षको वारेन्टीसम्म

काठमाडौं - बजाज चेतकले दसैंदेखि छठसम्म लक्षित गर्दै ‘चेतक फेस्टिभ फाइभ’ योजना सार्वजनिक गरेको छ । नेपालका लागि बजाजको आधिकारिक वितरक हंसराज हुलासचन्द एण्ड कम्पनी प्रालिले यो सीमित अवधिको अफर ल्याएको हो ।

अफरअन्तर्गत बजाज चेतकका कुनै पनि मोडल खरिद गर्ने ग्राहकले पाँचवटा विशेष सुविधा पाउनेछन् । जसमा ईएमआई फाइनान्सिङमा शून्य प्रतिशत ब्याज, एक लाख रुपैयाँसम्मको क्यासब्याक, पाँच वर्षको वारेन्टी, पाँच वर्षसम्म ईएमआई भुक्तानी सुविधा र निःशुल्क प्रिमियम एसेसरिज रहेका छन् ।

गोल्छा ग्रुपका निर्देशक अभिमन्यु गोल्छाले चाडपर्वलाई लक्षित गर्दै ग्राहकलाई आर्थिक रूपमा सहज र झन्झटरहित विद्युतीय मोबिलिटीको विकल्प उपलब्ध गराउने उद्देश्यले योजना ल्याइएको बताए । उनका अनुसार शून्य प्रतिशत ब्याज, क्यासब्याक र पाँच वर्षको वारेन्टीजस्ता सुविधाले ग्राहकलाई चेतक खरिदमा थप सहजता प्रदान गर्नेछ ।

‘चेतक फेस्टिभ फाइभ’ योजना छठसम्म देशभरका आधिकारिक बजाज तथा चेतक शोरुममा उपलब्ध हुने कम्पनीले जनाएको छ ।