नयाँ लुक र एड्भान्स टेक्नोलोजी सहित हिरो करिज्मा पुनः बजारमा आउने

भारतको सवैभन्दा ठूलो टु ह्विलर निर्माता हिरो मोटोकर्पले करिज्मालाई पुनः बजारमा ल्याउने भएको छ । नयाँ जेनेरेशनमा आउन लागेको यो मोटरसाइकल हिरोको फ्ल्यागसिप मोडल हुने जनाइएको छ । २०२० देखी उत्पादन वन्द भएको करिज्मालाई पुनः बजारमा ल्याउन हिरो मोटोकर्पले एक्सएमआर नाममा ट्रेडमार्क लिइसकेको छ । यसको नयाँ मोडल अर्को वर्ष लन्च हुने कम्पनीले जनाएको हो ।

करिज्मा एक्सएमआरमा हिरोले २१० सिसीको लिक्वड कुल्ड सिंगल सिलिन्डरयुक्त नयाँ इन्जिन दिन सक्ने अनुमान लगाइएको छ । जसको पावर २५ एचपी र टर्क ३० एनएम रहने आँकलन गरिएको छ । निकै नै प्रतिस्पर्धी मूल्यमा आउन लागेको यो नयाँ मोटरसाइकलको दुवै चक्कामा डुअल च्यान एविएस सहित डिस्क व्रेक जडान हुने देखिएको छ ।

बजारमा आएपछि यसले यामाहा आर१५ भी४, बजाज पल्सर आरएस २००, सुजुकी जिक्सर एसएफ र केटिएम आरसी २०० लगायतसंग प्रतिस्पर्धा गर्नेछ । नेपाली बजारमा यसअघि करीज्मा जेडएमआर उपलब्ध रहँदै आएको थियो । २०० देखी २५० सीसी सेग्मेन्टमा यसले निकै राम्रो प्रभाव समेत पारेको थियो ।