हिरो प्लेजर प्लसमा थपियो नयाँ भेरिएन्ट, यस्ता छन् विशेषता

हिरो मोटोकर्पले प्लेजर प्लसको नयाँ भेरियन्ट ‘एक्सटेक स्पोर्ट्स’ सार्वजनिक गरेको छ । यसअघिका दुई भेरिएन्ट एकसटेक कनेक्टेड र एक्सटेक ट्रिमको विचमा पर्ने सो नयाँ स्कुटरको मुल्य ८० हजार भारु निर्धारण गरिएको छ ।

निकै नै कलरफुल देखिने सो स्कुटरको साइड प्यानलमा १८ वटा ग्राफिक्स पाउन सकिन्छ । स्कुटर ओरेन्ज ब्लु कलरमा उपलब्ध छ । स्कुटरमा ब्लुटुथ कनेक्टिभिटी र एलईडी हेडल्याम्पसहितको सेमी–डिजिटल इन्स्ट्रुमेन्ट कन्सोल जडान गरिएको छ ।

स्कुटरमा जडान गरिएको ११०.९ सिसी सिंगल सिलिन्डर इन्जिनले ८ बीएचपी पवार र ८.७ एनएम टर्क जेनेरेट गर्दछ । इन्जिन सीभीटीसँग जोडिएको छ ।

स्कुटरको अगाडी चक्कामा बटम लिंक सस्पेन्सन र पछाडी सिंगल शक उब्जर्वर दिइएको छ । कम्वाइन ब्रेकिङ सिस्टम सहित दुबै चक्कामा ड्रम ब्रेक पाउन सकिन्छ । सो नयाँ स्कुटर अवको केही समयपछि नेपाली बजारमा समेत आउने अनुमान गर्न सकिन्छ ।